Молиявий қийинчилик туфайли учта вилоят терма жамоаси Республика мусобақасига кела олмаган

ЎФА расмий сайтига таянадиган бўлсак, 14та ҳудуд терма жамоалари иштирок этиши керак бўлган мусобақада 3та терма жамоа йўқлигини кўрамиз. Булар Қорақалпоғистон Республикаси, Хоразм ва Сурхондарё. 2002 йилда таваллуд топган терма жамоалар ўртасидаги мусобақани ўтказишдан мақсад селекцияга жиддий эътибор қаратиш. Яқиндагина якунига етган 2001 йилларда туғилган футболчилар ўртасидаги мусобақада эса Сурхондарё вилояти терма жамоаси молиявий қийинчилик туфайли қатнашмаган эди.

Болалар футболидаги молиявий қийинчиликлар туфайли қишлоқлардаги истеъдодлар Ўзбекистон ўсмирлар терма жамоаси мураббийларининг назаридан четда қолаяптилар. Шунинг учун ҳам сўнгги Осиё чемпионатида на ёшлар, на ўсмирлар терма жамоамиз Осиё чемпионатига чиқа олмадилар.