"Mixed zone". Санжар Қувватов: "Пенальти белгиланган ҳар икки вазият кулгули"

- Мавсумни кетма-кет мағлубиятлар билан бошлаган "Пахтакор", сўнгги йиллардаги энг азалий рақибига қарши бўлиб ўтадиган учрашувга қандай тайёргарлик кўрганди?

- Бугунги учрашувда йўқотадиган нарсамиз йўқ эди, фақатгина майдонга чиқиб ғалаба қозонишимиз керак эди. Кетма-кет икки мағлубиятдан сўнг жамоа кўп танқид қилинди ва ҳар бир футболчи ичидан нималар ўтганини ўзи билади. Бугун барча бор кучини ишга солди ва шу сабаб бугун ғалабага эришдик деб ўйлайман.

- Бугунги учрашувни жамоа қандай ўтказди?

- Ўйинни жуда зўр ўтказдик деб ўйлайман, чунки ҳар бир позициядаги футболчи бор кучини ишга солди ва шу сабаб бугун биз ғолиб бўлдик.

- Бугун сиз қўриқлаган дарвозага икки маротаба пенальти белгиланди. Ўша вазиятларда 11 метрлик жарима зарбасини белгилашга асос бор эдими?

-  (кулади) Кулгули ҳолат тўғриси, иккала пенальти белгиланган вазиятлар кулгули. 

- Ўйин охирида 11 метрлик зарбани бартараф этдингиз ва жамоангиз ғалабасини сақлаб қолдингиз. Ўйинда иккинчи маротаба пенальти белгиланган вазиятда, пенальтини қайтаришингизни аввалдан сезганмидингиз?

- Йўқ, пенальтини зарбасини аниқ қайтаришини ҳеч ким ҳис қилмайди. Мен йигитларнинг юзига қарадим ва уларнинг юзида ҳамма нарса сезилиб турган эди. Мен нима учун пенальти белгиланганини билмайман. Бу ҳакам қарори эди.