Милое Прекович: "Динамо"да мақсадларим бор, саёҳатчи бўлиш ниятим йўқ"

Украинанинг "Левый берег" жамоаси рақиблик қилган ўйинда 1:1 ҳисобидаги дуранг натижа қайд этилди. Мазкур баҳсдан сўнг "Динамо"нинг сербиялик дарвозабони Милое Прековичга юзландик. 

"Украина клуби билан ўйинимиз шахсан менга манзур бўлди. Ўйинда устунлик қила олдик. Афсуски, охирги дақиқаларда гол ўтказиб юбориш аламли. Умуман олганда ҳаракатларимиз ўхшади. Учрашув давомида барча чизиқлардаги ҳаракатларимиздан янада яхши бўлишини тахмин қиламан. Туркияда барча шароитлар муҳайё қилинган. Жамоа сифатида шаклланмоқдамиз. 

"Динамо"га келганимдан хурсандман. Чунки ўзимни бошқа чемпионатда синаб кўриш пайти яқинлашиб қолган эди. Шунчаки саёҳатчи бўлиб қолиш ниятим йўқ. Мақсадларим бор. Ўзимни кўрсатиб мухлислар меҳрини қозонишни ўйлаяпман",- дейди Прекович.