Мессининг жаҳли чиққан вазият ёдингиздами? Луи ван Гал ушбу вазиятга изоҳ берди

Нидерландия терма жамоаси собиқ бош мураббийи Луи ван Гал Жаҳон чемпионати чорак финал учрашувида юз берган вазият ҳақида гапириб ўтди. Ўшанда мураббийнинг ўйиндан олдинги гапларидан Лионель Мессининг жаҳли чиққанди ва урган голини айнан ван Галга қараб нишонлаганди. Мураббийнинг маълум қилишича, бу шунчаки тушунмовчилик бўлган.

"Мен Мессини умуман танқид қилмагандим. Мен шунчаки, 2014 йилги ўйинда уни ёпиб ташлашни уддалаганимизни айтгандим. Ўшанда тўп унга бормаганди. 

Аргентина матбуоти эса менинг гапларимни нотўғри талқин қилди", -дейди Луи ван Гал.

Эслатиб ўтамиз, Аргентина жамоаси ушбу ўйинда Нидерландияни пенальтилар сериясида мағлубиятга учратди. Шундан сўнг, "учар голландлар" бош мураббийи Луи ван Гал истеъфога чиқарилди. 

Мессининг жаҳли чиқди: ўйиндан олдинги гаплари учун Ван Галнинг олдига борди, Давидс билан урушди ва Вегорстга жавоб қайтарди. Леони олдин бунчалик ғазабда кўрмаганмиз...