Месси 14 йиллик оиланинг бузилишига сабаб бўлди

Россиялик Арсен ва Людмила 2002 йил барда танишиб қолган эди. Эркак "Барселона", аёл эса "Реал" мухлиси бўлишига қарамай улар 2004 йилда турмуш қуришди.

Аргентина ҳамда Нигерия ўртасидаги ЖЧ-2018 гуруҳ босқичининг 3-тур учрашувидаги аргентиналикларнинг ғалабасидан сўнг муносабатлар бузилди. Нигерияликлар дарвозасига биринчи голни Лионель Месси урди. 40 ёшли Арсен унинг ашаддий мухлиси ҳисобланади. Эр голни баланд овозда бақириб нишонлади. Криштиану Роналду мухлисаси бўлган унинг 37 ёшли хотини Людмила эса футболчи устидан кулди.

"Сабр косамни тўлдирди. Мундиал бошидан бери Людмила доимо ҳазиллашиб, севимли футболчимнинг устидан кулиб келди. Нигерия билан ўйинда эса очиқчасига африкаликларга мухлислик қилди. У яна бир бор Лионель устидан кулганидан сўнг жаҳлим чиқди ва Людмиланинг севимли футболчиси Роналду ва у мухлислик қиладиган клублар ҳақида нимани ўйлашимни айтдим. Шундан сўнг ҳужжатларимни олиб, бир умрга уни тарк этдим".

Жанжалдан сўнг Арсен ажрашиш учун ариза берди.