Latest news

02:36ЖЧ-2026 саралаши. БАА Ўзбекистон ва Қирғизистонга қарши ўйинлар учун таркибини эълон қилди  7 02:29Баҳром Ҳайдаров: "Навбаҳор" каби жамоага қарши ўйинда 0:3 ҳисобидан кейин ўйинга қайта олиш жуда қийин"  1 02:25Ла Лига. "Барселона" мавсумдаги сўнгги ўйинда меҳмонда "Атлетик"ни йирик ҳисобда мағлуб этди  10 02:11А Серия. "Рома" сўнгги турда "Торино"ни мағлуб этди, аммо параллель ўйинда "Юве" меҳмонда "Венеция"ни мағлуб этиб, тўртинчи ўрин билан ЧЛга йўл олди  32 01:32Сергей Лушан: "Мен бу масалада ҳоким билан кўп гаплашганман. Буни аллақачон амалга ошириш керак эди"  1 01:11Гёкереш "Спортинг" ва Швеция сафида мавсумдаги 63-голини урди - бу сафар Португалия кубоги финалининг 100-дақиқасида пенальти орқали  0 00:53Камолиддин Тожиев: "Муҳими уч очкони қўлга киритдик. Ўн нафар футболчимиз терма жамоаларга йўл олишади"  17 00:31Ҳаким Фузайлов: "Жамоам намойиш этган ўйиндан уялмайман"  3 00:24"Ливерпул"га АПЛ ғолиблиги учун кубокни қабул қилиб олди  9 23:32U-17 Жаҳон чемпионатига қуръа ташланди. Ўзбекистон "J" гуруҳидан жой олди  21 23:14Туркия Суперлигаси. "Ризеспор" меҳмонда сенсацион тарзда "Бешиктош"ни таслим этди, Алиқулов сўнгги дақиқаларда майдонга туширилди  0 23:00Суперлига. "Динамо" 90+8-дақиқада камбэк эвазига "Қизилқум"ни мағлуб қилди  39 22:11ҚПЛ. "Турон" ўз уйида "Тобол"га мағлуб бўлди, мезбонлар сафида уч ўзбекистонлик ҳаракат қилди  0 22:06АПЛда 2024/25 йилги мавсум якунланди, МЮ сўнгги турда "Астон Вилла"ни ЧЛсиз қолдирди  42 21:58Суперлига. "Пахтакор" 90+8 дақиқада урилган автогол эвазига "Хоразм"ни мағлуб этди  96

"Машъал"нинг қайд этган натижаси қониқарли, Шомуродов Италияга тезда мослашди. Академияси бор клубларни йўқотмоқдамиз". Сардор Абдураимов билан интервью News

"Машъал"нинг қайд этган натижаси қониқарли, Шомуродов Италияга тезда мослашди. Академияси бор клубларни йўқотмоқдамиз". Сардор Абдураимов билан интервью

Муборакнинг "Машъал" жамоаси ўтган мавсумда Про лигада ғолиб чиқди ва бу йилни Суперлигада ўтказди. Шунга қарамасдан муборакликлар кучлилар сафида муносиб ҳаракат қилган ҳолда ўз ўринларини сақлаб қолишди.

Ҳар бир жамоада бўлгани каби "Машъал"да ҳам маълум бир вақт пасайиш юз берди. Бироқ охирги учрашувларда "газчилар"нинг натижалари ижобий томонга ўзгарди, сўнгги турларда улар муҳим бўлган очколарни қўлга киритишди. Биз эса 26-турдан ўрин олган "Металлург" билан кечган учрашувдан сўнг жамоанинг етакчи футболчиси Сардор Абдураимовни суҳбатга чорладик.

- Мавсумнинг ажойиб якуни билан табриклаймиз. Шахсан ўзингиз учун мавсум қандай ўтди? Биринчи даврани "Бунёдкор"да, иккинчи даврани эса қадрдон жамоангиз "Машъал"да ўтказдингиз. Таассуротлар турлича бўлиши табиий..

- Раҳмат. Қийин ўтган 2020 йилги Суперлига баҳсларини тугатиб олдик. Чемпионат аввалги йилларга қараганда мураккаброқ кечди дейишим мумкин. Коронавирус туфайли чемпионатимиз маълум муддатга тўхтаб қолди. Бунинг натижасида кўп жамоаларда муаммолар пайдо бўла бошлади. Ўзим учун бу йилги мавсум қониқарли ўтмади. Биринчи даврада "Бунёдкор" сафида тўп тепдим. Лекин захирада қолдим, ўйин амалиётига эга бўлмадим. Боз устига орттириб олган жароҳатимдан сўнг тикланишим чўзилиб кетди. Иккинчи даврада эса "Машъал"га қайтдим. Жамоамга қай даражада ёрдам бера олдим бунга мураббийларимиз баҳо беради. Бу борада бирор фикр билдира олмайман. Боиси қаердадир билдирилган ишончни оқламаган пайтларим ҳам бўлди.

- Пойтахт клубида ўйин амалиётига эга бўлмаган пайтингизда қандай руҳий қийинчиликлар бўлди? 

- Тўғрисини айтсам руҳий томонлама қийиналдим. Захирада қолишимдан ташқари жароҳат олишим тушкунликка тушириб қўйганди. Уйдагиларимнинг ва яқинларимнинг ишончи, далдаси билан сабр қилиб юрдим. Шукур ҳаммаси ортда қолди. 

- "Машъал"нинг Про лигадан чиқиб бу йил Суперлигада иштирок этганини ҳисобга олсак турнир жадвалида эгаллаган ўрни жамоага мосми?

- Биласиз, "Машъал" ўз тарихига эга жамоа. Уч йил олдин Олий лигада еттинчи ўринни эгаллаганимизга қарамасдан негадир Про лигага равона қилишди. Икки йиллик танаффусдан сўнг Суперлигага қайтдик. Жамоани эгаллаган ўрни қайсидир маънода қониқарли десам ҳам бўлади. Аммо, жамоа бундан ҳам яхшироғига лойиқ эди.

- Билишимизга қараганда давралар оралиғида сизга "Сурхон" жамоасидан таклиф тушган экан...

- Ҳа, "Сурхон"дан қизиқиш бўлгани рост. Бироқ томонлар ўзаро келишувга эриша олишмади. 

- Иккинчи даврада жамоада барчада бўлгани каби "Машъал"да ҳам пасайиш кузатилди, узоқ вақтга қадар натижалар ижобий кўриниш олмади. Бу жамоадаги футболчиларнинг аксариятининг ёш эканлиги билан боғлиқми? Одатда ёш футболчиларда мана шу босимни енгиб ўтиш қийин кечади...

- Тўғри, пасайиш юз берди. Кетма-кет мағлубиятлар ўзимизга бўлган ишончни йўқолишига олиб келди. Айрим паллаларда молиявий муаммолар ҳам сабаб бўлди. Худога шукур буларнинг барчасини вақтинчалик эканлигини исботлай олмоқдамиз. Сўнгги турлардаги ғалабаларимизда мухлисларимизнинг ҳам ҳиссаси борлигини айтиб ўтсам. Майдонда уларнинг далдасини ҳис қилган ҳолда ўйнаяпмиз. 

- Ички чемпионатимизда "Машъал", "Насаф", "Бунёдкор" сингари академиясига ва инфратузилмасига эга клубларимиз саноқлигина. Лекин ҳозирда буларнинг барчасида молиявий ва бошқа муаммолар бор. Нима деб ўйлайсиз, бундай клублар янада қўллаб-қувватлаш керак эмасми?

- Аламли бўлса ҳам айтиш жоиз бундай клубларимиз саноқлини ташкил қилади. Биз ҳозирда юқорида айтганингиздек академиясига эга жамоаларни кўпайтириш ўрнига борларини ҳам йўқотиб қўймоқдамиз. Молиявий муаммолар сабаб кўп клублар ўз академиясини йўқотаётгандек кўринмоқда.  Умид қиламанки буларнинг барчаси вақтинчалик. 

- Элдор Шомуродов билан болаликдан бирга катта бўлгансиз, яқин дўстингиз ҳисобланади. Сизнингча ҳамюртимиз Италия футболига мослашиб олдими? Ўйинларини кўряпсизми?

- Элдор "Женоа"га ҳозиргидан ҳам тезда мослашиши мумкин эди. Лекин жароҳати панд берди. Мана ҳозир жароҳатидан тўлиқ фориғ бўлди ва жамоасига наф келтира бошлади. Бу ўзбек футболи ва мухлислар учун қувонарли ҳолатдир. Фурсатдан фойдаланиб "Машъал" жамоасининг жонкуяр мухлисларига Суперлиганинг ҳар бир учрашувида қўллаб- қувватлашгани учун, пандемия вақтида ҳам қалбан биз билан бирга бўлишгани учун раҳмат айтиб қоламан. Ҳар қандай вазиятда ёлғизлатиб қўймайдиган ишқибозларимизга ҳар қанча миннатдорчилик билдирсак кам. Соғлик ва саломатлик, оилаларига хотиржамлик тилайман. 

Абдулазиз Искандаров суҳбатлашди.

Rating: +1   

Comments

championat.asia
< show latest news
Яндекс.Метрика