"Машъал": "Насаф"га қарши 11 футболчи ўйнамайди

Мазкур ўйин олдидан жамоамиз сафида жиддий йўқотишлар бор.  11 нафар асосий таркиб футболчиси майдонга туша олмайди.  

Зафар Тўраев ва Микита Букаткин сариқ карточкалари сони тўрттага етгани боис майдонга туша олмайди.  Зоҳир Қўзибоев терма жамоа ўйинида олган жароҳатидан сўнг ҳали сафга қайтгани йўқ.  Ғиёсжон Комилов Ўзбекистон кубогининг 1/8 босқич учрашувида олган  жароҳатидан сўнг сўнги уч ўйинни ўтказиб юбормоқда.  Сирож Ҳамроев "Шўртан" ёшларига қарши ўйиннинг 7 дақиқасида оёғидан жиддий жароҳат олган ва айни дамда даволанмоқда.  Ҳужумчимиз Владислав Иванов ўтган "Локомотив"га қарши ўйинда майдонда жароҳат олган ва бу ўйинда майдонга туша олмайди.  Достон Абдураҳмонов ва Иқбол Бобохоновдаги кичик жароҳат боис ўйинга туша олмаслиги маълум.  Фирдавс Асадов ва Абдулла Набиев ҳамон сафга қайтгани йўқ.  

Бугунги учрашувда майдонга туша олмайдиган футболчилари:

1. Зафар Тўраев
2. Микита Букаткин
3. Зоҳир Қўзибоев
4. Ғиёсжон Комилов
5. Сирож Ҳамроев
6. Владислав Иванов
7. Ихтиёр Тошпўлатов
8. Фирдавс Асадов
9. Иқбол Бобохонов
10. Достон Абдураҳмонов
11. Абдулла Набиев

Эслатиб ўтамиз,  "Насаф" - "Машъал" учрашуви бугун 20:00 да Қаршидаги "Марказий" стадионда бошланади.