“Марсель” битта Еврокубок ўйинини мухлисларсиз ўтказади

Қўмита жамоанинг Европа Лигаси доирасидаги 4та ўйинини ўрганиб чиққан: ўз уйидаги “РБ Лейпциг” (5:2) ва “Ред Булл Зальцбург” (2:0), айнан “Ред Булл” билан сафардаги ўйин (1:2) ҳамда финалдаги “Атлетико” (0:3) билан учрашув. 

Бу ўйинларда қоидаларни бузиш (пиротехника, майдонга буюмлар улоқтириш, ўйиннинг бошланишини кечиктириш, тартибсизликлар, стадион ҳолатига таъсир ўтказиш) ҳолатлари аниқланган. 

Бунинг натижасида “Марсель” битта Еврокубок ўйинини мухлисларсиз ўтказади ва 100 минг евро жарима тўлайди. Шунингдек, финал учрашуви ўтказилган "Лион" клубига тегишли стадионга етказилган зарарни ҳам қоплаб беради.