Марказий Осиё. "Ордабаси" кубокда ютқазди, "Алай" дуранг ўйнади, "Аркадағ" эса янги стадионга кўчди
03 jul 2023 10:25
News

Марказий Осиё. "Ордабаси" кубокда ютқазди, "Алай" дуранг ўйнади, "Аркадағ" эса янги стадионга кўчди

Tags : Марказий Осиё мамлакатлари чемпионатлари

Марказий Осиё мамлакатлари чемпионатлари билан таништиришда давом этамиз.

Қозоғистон

Ўзбекистонлик футболчилар
"Ордабаси" - Бобир Абдихолиқов
"Ордабаси" - Шаҳбоз Умаров

Қозоғистонда кубок ярим финалининг дастлабки баҳслари ҳамда чемпионатнинг 14-тур учрашувлари бўлиб ўтди. Ўзбекистонлик икки нафар ҳамюртимиз тўп тепаётган "Ордабаси" клуби дастлаб кубок ярим финалининг дастлабки учрашувида "Астана" 0:1 ҳисобда ютқазди. Умаров баҳсни асосий таркибда бошлаган бўлса, Абдихолиқов 64-дақиқада унинг ўрнини эгаллади. Иккинчи ўйинда эса Игорь Сергеевнинг собиқ клуби "Тобол" "Атирау"ни шу ҳисобида енгди. Жавоб баҳслари 8 июль куни ўтказилади.

"Астана" -"Ордабаси" 1:0
Гол: Иванович (73).
"Астана": Заруцкий, Ароян, Астанов (Оурега, 68), Басманов (Иванович, 68), Бейсебеков, Дарабаев (Эбонг, 46), Дарбо, Досмагамбетов, Йованчич, Оганесян, Прокопенко (Жаксиликов, 75).
"Ордабаси": Шаизада, Матич, Астанов (Суюмбаев, 81), Ауро (Жаксиликов, 86), Васильев, Ерланов, Жоржиньо (Садовски, 64), Малий, Мбож, Тунгишбаев (Федин, 81), Умаров (Абдихолиқов, 64).
Огоҳлантиришлар: Досмагамбетов (21), Дарабаев (36), Астанов (59), Абдихолиқов (83).

Шунингдек, мамлакатда чемпионатнинг 14-тур учрашувлари ўтказилди. "Ордабаси" "Ақсу"ни қабул қилиб, 2:0 ҳисобидаги ишончли ғалабани қўлга киритди.

Турнир жадвалида "Астана" 38 очко билан пешқадамлик қилмоқда. Улардан иккита кам ўйин ўтказган ҳолда уч очко ортда қолаётган "Ордабаси" 2-ўринда бормоқда.

15-тур учрашувлари 15–16 июль кунлари бўлиб ўтади. Ундан аввал эса еврокубокларнинг дастлабки саралаш баҳслари ўтказилади.

15 июль (шанба)
Мақтаарал-Қайсар
Оқжетпес-Қайрат
Атирау-Ордабаси
Шахтёр-Ақтобе
16 июль (якшанба)
Қизилжар-Тобол
Каспий-Жетису

Қирғиз Республикаси

Ўзбекистонлик футболчилар
Алай - Ислом Абдуллаев
Алай - Жавоҳир Соҳибов
Алай - Абдулазиз Юсупов
Дордой - Кемран Нажафалиев
Қора Болта - Муҳриддин Аҳмедов
Нефтчи Қўчқор Ота - Азамат Аҳмедов
Нефтчи Қўчқор Ота - Муҳаммадали Турсунов
Нефтчи Қўчқор Ота - Достонжон Рашидов
Нефтчи Қўчқор Ота - Отабек Ҳайдаров
Нефтчи Қўчқор Ота - Жавоҳир Расулов
Талант - Муҳаммадқодир Раҳимберганов
Ошму Алдиер - Абдулбори Воситжонов
Ошму Алдиер - Акром Ходжаев
Ошму Алдиер - Марадона Сафаров
Ошму Алдиер - Пўлатжон Шарипов
Ошму Алдиер - Муҳаммадали Ашуров
Ошму Алдиер - Абураҳмон Абдулҳақов
Ошму Алдиер - Элнур Турғунов
Ошму Алдиер - Акмалжон Юлдашев

Мамлакат чемпионатининг 14-тур учрашувлари бўлиб ўтди. Унда қуйидаги натижалар қайд этилди:

"Талант" 1:2 "Мурас Юнайтед"
"Илбирс" 3:0 "ОшМУ-Алдиер"
"Абдиш-Ата" 7:0 "Кара-Балта"
"Алай" 2:1 "Дордой"
"Нефтчи" 1:0 "Алга"

Тўпурарлар жадвалида "Абдиш-Ата" форварди Эммануэль Ягр, "Дордой" ҳужумчиси Данин Талович ҳамда "Алга" футболчиси Антон Землянухин 7 та гол билан пешқадамлик қилмоқда. Ассистентлар бўйича эса "Абдиш-Ата" ўйинчиси Атай Жумашев 9 та голли узатма билан якка етакчи бўлиб турибди.

Чемпионатнинг 15-тур учрашувлари 1 июль куни старт олди. Унда пешқадам "Алай" ўз майдонида "Алга" билан 0:0 ҳисобида дуранг ўйнади. Бу ҳақда кейинги сонимизда батафсилроқ маълумот берамиз. Бугун ва эрта қолган ўйинлар ўтказилади.

Тожикистон

Ўзбекистонлик футболчилар
Хўжанд - Хушнудбек Бозоров
Хатлон - Рустам Қўчқоров
Файзканд - Зуфарджон Акбаралиев
Эсхата - Олимжон Каримов
Эсхата - Санжар Рихсибоев
Хосилот - Темур Маматмуродов
Кўктош - Темур Машарипов
Кўктош - Мухиддин Одилов

Мамлакат чемпионатининг қолдирилган 5-тур доирасидаги беллашувлар бўлиб ўтди. Унда қуйидаги натижалар қайд этилди:

«Равшан» – «Регар-ТадАЗ» – 3:1
«Кўктош» – ЦСКА – 1:0
«Эсхата» – «Истиқлол» – 0:3
«Ҳосилот» – «Хўжанд» – 1:2
«Файзқанд» – «Хатлон» – 2:0

Тўпурарлар: Манучеҳр Жалилов («Истиқлол») – 9 та, Алишер Жалилов («Истиқлол»), Шавкати Ҳотам («Файзқанд»), Азизбек Султонов («Кўктош») – 7 тадан, Эҳсони Панжшанбе («Истиқлол») – 6 та, Бахтиёр Зарипов («Эсхата»), Алишер Шукуров («Кўктош») – 5 тадан.

Шу билан жамоалар танаффусга йўл олишади. 29–30 июль кунлари кубокнинг 1/8 финал баҳслари ўтказилади. Чемпионат доирасида 15-тур ўйинлари эса 3–4 август кунлари бўлиб ўтади.

Туркманистон

Туркманистонда мамлакат чемпионати бошланмасидан илгари турнир ғолиби сифатида тахмин қилинган "Аркадағ" янги очилган Аркадағ шаҳридаги янги стадионда дастлабки учрашувини ўтказиб, "Аҳал"ни 3:0 ҳисобида мағлуб этди.

8-турдан кейин "Аркадағ" очко йўқотмаган ҳолда пешқадам бўлиб турибди. Улардан 7 очко кам жамғарган "Алтин-Асир" иккинчи ўринда бормоқда.

Оқил Абдубарноев тайёрлади.