Жамшид Искандеров: "Бир ҳафтада иккита кубок кўтариш ёқимли"

"Мухлисларга маъқул келадиган ўйин бўлди ва 4:1 ҳисобида ғалаба қозондик. Мухлисларга ўйин ёқди деган умиддаман. Яратганга шукр, чемпион бўлдик.

Бошида бизга ҳеч ким ишонмаганди. Мавсум стартида қийин бўлди. Янги таркиб эди. Кейин эса барча биргаликда меҳнат қилиб, чемпионликка интилди. Якунда мақсадимизга эришдик. Бундан жуда хурсандман.

Мухлисларимизга гап йўқ. Уй ўйиними ёки сафар, ҳар бир учрашувда бизни қўллаб-қувватлашди.

Бир ҳафта иккита кубок кўтариш ёқимли экан. Жуда хурсандман", – деди Жамшид Искандеров чемпионликдан сўнг.

Эслатиб ўтамиз, "Нефтчи" бугун "Қизилқум"ни 4:1 ҳисобида енгиб, 24 йил кутилган чемпионликни расмийлаштирди.