Latest news

02:17ЖЧ-2026 саралаши. Нидерландия ва Австрияда ғалаба, Албания ва Сербия ўртасидаги баҳсда ҳисоб очилмади  1 01:17Флик 36 ёшли футболчини "Барселона"да кўрмоқчи  5 00:03ЖЧ саралаши. Англия Андоррага биттагина гол ура олди  4 23:26Гарначо МЮни тарк этади. Вингерга қайси клублар қизиқмоқда?  2 22:50Дембеле жароҳат олди  0 22:07"Барселона" тер-Штегендан қутулишни истамоқда  6 21:59Назорат ўйини. "Насаф" - "Сўғдиёна" баҳсида 7та гол урилди  1 21:40Григорий Колосовский: "Биз жуда ёмон ўйнадик. Рақиблар ғалабага яқин эди"  2 21:20Айбек Нурбаев: "Биз икки очко йўқотдик"  1 20:55Ўзбекистонга қарши ўйин олдидан Қатар терма жамоаси сафида ўзгариш  24 20:25"Локомотив" меҳмонда "Жайхун"ни мағлуб эта олмади  4 19:58"Реал" ва "Бавария" Доннарумма учун курашга киришиши мумкин  3 19:14"Фенербахче" Де Брюйне учун курашга қўшилди  5 18:27Расман: "Интер" 25 млн евролик трансферни амалга оширди  2 17:56ПФЛ: Ўзбекистоннинг 17 та клуби ОФК лицензиясига эга чиқди  1

Максим Шацких: "Декабргача турнир жадвалига умуман қарамайман News

Максим Шацких: "Декабргача турнир жадвалига умуман қарамайман

Суперлиганинг 13-туридан ўрин олган "Пахтакор" — "Бунёдкор" (1:0) учрашувидан сўнг мезбонлар бош мураббийи Максим Шацких ўйин ҳақидаги фикрлари билан ўртоқлашди.

"Тўғрисини, айтганда, ўйиндан норозимиз. Бу биз намойиш этмоқчи бўлган ўйин эмаслиги аниқ. Билмайман, бунга об-ҳаво ёки бошқа таъсир қилдими. Бизда барчаси кўнгилдагидек, бироқ негадир барчасини аксинча қила бошлаймиз. Бизда муаммолар бор, лекин бошқа томондан бугунги вазифа ғалаба қозониш эди, шу боис, йигитлар буни уддалашди. Бундай об-ҳаво шароитида уларга миннатдорчилик билдираман. Энг муҳими, уч очко қўлга киритдик. 

Биздаги муаммолар, афсуски, барҳам топмаган. Бу ҳақда биламиз. Бу тўғрисида ҳар куни гаплашамиз. Лекин нимагадир эриша олмаяпмиз. Баъзи футболчиларнинг хатти-ҳаракатларини тушунтириш қийин, ҳатто тактик жиҳатдан ҳам. Бизда ўз позициясидан ташқарида ўйнайдиганлар ҳам бор, аммо бу катта ҳажмдаги ишнинг моҳиятини ўзгартирмайди. Биз оддий хатолар туфайли бундай муаммоларга дуч келишда давом этамиз. Тўпни консентрация қилиш фақат бизнинг жамоага хос эмас. Чемпионатда кўплаб жамоалар шунга эътибор қаратишади. Машғулотларда муаммолар устида ишлаяпмиз. Ҳимояда қийинчиликлар бор. Футболчиларни нафақат қулоқ солишни, балки эшитиб, уқиб олишни ўрганишлари керак. Бу энг муҳими.

Барча жамоалар очко йўқотмоқда ва йўқотишда давом этади. Мен бу ҳақда мавсум бошида гапиргандим. Йигитларга айтаман, сиз ўз ўйинингизни кўрсатишда давом этишингиз лозим. Ким нима йўқотади, менга қизиқ эмас. Ишонинг, мен қачон турнир жадвалига қарамайман. Жадвалга декабрда қарайман. Барча очко йўқотиши мумкин. Ҳозир жамоалар тенглашди. Қачондир пешқадам бўлган жамоа охирида юрибди. Жамоалар ўйинида фарқ бўлиши мумкин, ҳисобда эса бу акс этмаяпти. Бу Англия чемпионатини эслатади, у ерда, айтайлик, "Манчестер Сити" "Брентфорд" ёки "Сток Сити" майдонига бориб ютқазиши мумкин. Бу йил чемпионат анча ўсди, жамоалар даражаси яқинлашди. Бу яхши.

Ёшларнинг ҳолати сизга ташқаридан яхши кўриниши мумкин, аммо уларнинг шаклланишига олти ой вақт кетди. Ҳимоядаги хатолар такрорланмоқда, бироқ жамоада ёшлар жамоасидан бошқа ерда тўп тепмаган йигитлар кўп, демак, бу нормал ҳолат. Лекин баъзида бир йилдан ортиқ жамоадан бўлган тажрибали ўйинчилар ҳам шундай хатоларга йўл қўйишади. Бу кишини сергак бўлишга чорлайди. Мен фақат ҳимоячилар ҳақида гапирмоқчи эмасман. Ҳимоя ҳужумдан бошланади. Хатода ҳамманинг айби бўлади. Шу боис, хатоларни тузатишга уринишимиз даркор.

Ўзбекистонда жаҳон чемпионатига чиқиш учун имконият етарлича. Терма жамоанинг таркиби жуда яхши. Европа чемпионати олдидан сюрпризлар бўлишини айтгандим, улар аллақачон содир бўла бошлади. Шу боис, кутилмаган ҳодисалар рўй бериши мумкин. Лекин такрор айтаман, биз жаҳон чемпионатига чиқишимиз керак. 

Мен кам ўйин амалиёти эга футболчиларга имкон бермоқчиман, бироқ 1:0 ҳисобидаги ўйинларда уларни майдонга қўйиб юбориш қийин. Ҳаммасига вақт керак. Ўйинлар уларнинг тажриба орттиришига ёрдам беради.

Муҳаммадали Ўринбоев ҳақида аниқ нимадир дея олмайман. У қолса, табиийки, кучайиш бўлади", деди "Пахтакор" устози.

Rating: +4   

Comments

championat.asia
< show latest news
Яндекс.Метрика