Latest news

16:10Ўзини тополмаган ўнлик: Биринчи давранинг омадсиз трансферлари   0 15:51Расман: Кайл Уокер янги клубга ўтди  0 15:16Дюмфрис Англия топ клубига ўтиши мумкин  0 14:41Жота ва гуллар  6 13:46"Арсенал" баскетболчи учун 80 миллион евро тайёрламоқда   1 13:08Нико Уильямснинг товон пули миқдори маълум бўлди  7 12:27"Ливерпуль" Жотанинг оиласига футболчи билан шартнома бўйича тўлиқ суммани тўлаб беради  7 12:00Лунин қарор қилди  2 11:28МЮ ва "Арсенал" товон пули 85 млн евро бўлган "Интер" футболчисига қизиқмоқда  0 11:02Жасур Абдураимов Биринчи лига жамоаси бош мураббийига айланди  4 10:20"Истанбул Башакшехир" Шомуродовнинг трансфери учун қанча сарфлаши маълум  9 09:48"Насаф" қизиқаётган Ратиньонинг товон пули маълум  11 09:23"Сурхон" етакчиларидан бири иккинчи даврани "Динамо"да ўтказади  2 08:52Эшитдик-да. Ўзбекистон МТЖнинг яна бир аъзоси "Пахтакор"да  17 08:25Ўзбекистон МТЖнинг собиқ аъзоси Эрон клубига ўтишга яқин  5

Мафтуна Жонимқулова: “Бизга тажриба етишмади” News

Мафтуна Жонимқулова: “Бизга тажриба етишмади”

Ўзбекистон аёллар терма жамоаси Тошкентда ўтказилган "CAFA Womenʼs Futsal Championship-2023" мусобақасида 2-ўринни эгаллаганидан хабардорсиз.

3-тур доирасида Эрон қарши ўтказилган ўйиндан кейин жамоамизнинг асосий посбони Мафтуна Жонимқулованинг мусобақа ҳақидаги фикрлари билан қизиқдик.

“Турнир яхши ўтди. Олдинги йилга нисбатан яхшироқ қатнашдик. Ҳал қилувчи баҳсда бизга тажриба етишмади, деб ҳисоблайман. Чунки форслар таркибида профессионал футзалчилар тўп тепяпти. Биз эса фақат терма жамоа йиғилган пайтда футзал ўйнаш имкониятига эгамиз. Шунга қарамай, кучли рақибни анча қийнадик. Ғалаба қозонишимиз ҳам мумкин эди. Бироз омад етишмади”, — дейди 23 ёшли дарвозабон. 

— Катта футболдан келиб, бирданига паркет устида ўйнаб кетиш қийин бўлса керак...

— Албатта. Ташқаридан бир хилдек кўриниши мумкин, лекин футзал ва футбол орасида жуда катта фарқ бор. Бизда чемпионат йўқ. Барча қизлар мусобоқага 10 кунлик тайёргарлик билан иштирок этишди.

— Жамоамиздан турнир давомида энг фаол бўлган футзалчи сифатида кимни кўрсатасиз?

— Бу жамоавий спорт бўлгани учун кимнидир ажратиб кўрсатмайман. Ҳамма қўлидан келганча ҳаракат қилди.

— “Севинч” 3 йиллик танаффусдан кейин Олий Лигани ютди. Чемпионлик ёқимли бўлдими?

— Раҳбарият ўтган йил бошидаёқ олдимизга биринчи ўрин вазифасини қўйган эди. Оғир мавсум бўлди. Қийин ўйинлар, жароҳат ва йўқотишлар бўлди. Шунга қарамай “Олтин дубль” соҳибига айландик. Узоқ кутилган ғалаба ёқимли бўлар экан.

— Келаётган мавсумда жамоанинг амбициялари ўзгармайдими?

— Йўқ. Биз ҳар доим энг яхшиси учун курашамиз. Чемпион бўлишдан кўра, уни сақлаб қолиш қийинроқ. Шу томондан жуда қизиқарли мавсум бўлса керак. Бундан ташқари, чемпионлар лигаси баҳсларида қатнашамиз. Бу ҳам ўзига хос мотивация беради...

Маълумот учун, Мафтуна Жонимқулова 1999 йил Қарши шаҳрида туғилган. У 2010 йилдан (11 ёш) "Севинч" клуби аъзоси ҳисобланади.

Муаллифнинг телеграмдаги канали → ФР| футбол АНАЛИЗИ

Rating: +3   

Comments

championat.asia
< show latest news
Яндекс.Метрика