Лушан: "Ғалаба ва мағлубиятда бу йигитларга ишонишда давом этаман"
22 feb 2017 11:31
News

Лушан: "Ғалаба ва мағлубиятда бу йигитларга ишонишда давом этаман"

"Ал-Аҳли" ҳамда "Бунёдкор" ўртасидаги Осиё Чемпионлар лигаси гуруҳ босқичи 1-тур учрашувидан (2:0) сўнг "қарлидғочлар" устози Сергей Лушан иштирокида матбуот-анжумани бўлиб ўтди.

"Иккала жамоа очиқ футбол намойиш этди. Чунки икки клуб ўйин услублари ўхшаш эди. Ғалаба қозонишимиз мумкин бўлган баҳсда мағлубиятга учрадик. Ўйин статистикасига эътибор берсангиз, устунлик биз томонда. Афсуски, ҳимоядаги иккита хатодан рақиб унумли фойдаланди. Биз эса ўзимиз яратган 8 та вазиятдан биттасини ҳам голга айлантира олмадик. Таркибда ёш футболчилар кўп, баъзи ўйинчилар хатто 20 ёшга ҳам тўлмаган. Жамоа аъзоларининг 70% 21 ёшгача бўлган футболчилар. Ғалаба ва мағлубиятда бу йигитларга ишонишда давом этаман. Бу 1-тур учрашуви эди. Олдинда яна ўйинлар бор. Ҳаёт давом этади.

Олдинда яна 5 та баҳс бор. Халқаро ўйинларда футболчиларимиз янада тобланади. Бундан фақат ўзбек футболи ютади. Гуруҳ босқичини муваффақиятли якунлаб, халқаро ўйинларимиз сонини оширишга умид қиламиз" - дейди Сергей Лушан.

"Бунёдкор" матбуот-хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +5