"Локомотив" журналистларни матбуот анжуманига чорлайди
06 apr 2015 21:28
News

"Локомотив" журналистларни матбуот анжуманига чорлайди

Тошкент, 6 апрель - Хабарингиз бор, 8 апрель куни "Локомотив" ўз майдонида Осиё чемпионлар лигаси 4-тур доирасида Қатарнинг "Ал Садд" клубини қабул қилади.

Шу муносабат билан эртага, 7 апрель куни "Локомотив" стадионининг матбуот анжуманлари хонасида ҳар иккала жамоа бош мураббийлари ҳамда футболчилар иштирокида ўйинолди матбуот анжумани ташкил этилади.

Матбуот анжумани соат 12:00да бошланади. Дастлаб "Ал Садд" бош мураббийи Ҳуссайн Амотта жамоанинг бир нафар футболчиси билан ташриф буюрса, ундан сўнг "Локомотив" бош мураббийи Вадим Абрамов ҳамда жамоамизнинг бир нафар ўйинчиси журналистлар саволларига жавоб қайтаради. Барча турдаги ОАВ ходимларини эртанги матбуот анжуманига таклиф этиб қоламиз.

Эслатиб ўтамиз, "Локомотив" - "Ал Садд" баҳси 8 апрель куни ТТЗда жойлашган "Локомотив" стадионида бўлиб ўтади. Ўйиннинг бошланиш вақти - 16:00.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: