"Локомотив" шифокори Аброр Пирриев: "Ўз фикрини – бутун халқ эшитадиган сўзларни оммага етказиш маданияти ҳақида ҳам унутмаслик керак"

Турон бош мураббийининг куйинишини тушуниш мумкин. Бошга теккан тўпга “пенальти” қўядиган ҳакамлар бутун жамоанинг меҳнатини чиппакка чиқарса албатта алам қилади. Аммо ўз фикрини – бутун халқ эшитадиган сўзларни оммага етказиш маданияти ҳақида ҳам унутмаслик керак.

Кечаги ўйиндан сўнг “VAR” ҳақида бизнинг мураббий фикр ва эҳтирослари ҳам "Турон" вакиллариникидан қолишмагани аниқ. Очиғи, ўйиннинг тезлиги ва жозибасини бузди бу “VAR”. Аслида бирор ҳолат юзасидан ҳакам иккилансагина мурожаат қилмайдими бу “VAR” жанобларига... Ҳар эпизод учун қулоғини ушлаб хабар эшитиш учун ўйинни тўхтатиб тураверса...

Кейинги турда икки яраланган шерлар учрашадиган бўлиб турибмиз. Бу ўйинда кимнинг асаблари дош, кимники панд бераркан бунисини уч кундан кейин кўрамиз", - деб ёзади Аброр Пирриев телеграмдаги ўз каналида.