"Локомотив" "Нефтчи"га қарши баҳс олдидан машғулот ўтказди ФОТОГАЛЕРЕЯ

Олий лиганинг 2-туридан ўрин олган мазкур баҳс ТТЙМИ стадионида бўлиб ўтади. Ўйиннинг бошланиш вақти - 16:00.

Бугун "темирйўлчилар" ТТЗдаги асосий стадионда ўйинолди машғулотини ўтказишди. Жамоа бош мураббийи Вадим Абрамов бетоблиги сабаб машғулотда қатнаша олмади, шу боис футболчиларни ёрдамчи мураббийлар - Марат Мифтахутдинов билан Андрей Микляев шуғуллантирди. Дарвозабонлар билан эса одатдагидек Пётр Гизимчук ишлади.

Бугунги машғулотда барча футболчилар иштирок этишди. Ҳамманинг соғлиги жойида. Жароҳати туфайли майдонга туша олмаётган Игнатий Нестеров билан Иброҳим Раҳимов ҳам бугун жамоа билан машғулот ўтказди. Эртанги ўйин олдидан йигитларнинг кайфияти юқори. Ҳамма фақат ғалаба ҳақида ўйлаяпти.