"Ливерпуль" 11 ёшли мухлис хотирасини ёд этди
28 jan 2016 16:54
News

"Ливерпуль" 11 ёшли мухлис хотирасини ёд этди

"Сток Сити"га қарши Англия лига Кубогининг жавоб учрашувида "Ливерпуль" лейкемиядан вафот этган клубнинг 11 ёшли мухлиси бўлган Оуэн Маквей хотирасини ёд этди.

Болакай беш ёшдан отаси билан доимо севимли жамоаси ўйинларини кўргани стадионга тушар эди.

Учрашувнинг 12 дақиқасида 12 ёшга тўлиши керак бўлган мухлис учун бир дақиқа давомида қарсак чалинди.

Spion Kop 1906 ишқибозлар гуруҳи "Ливерпуль" формасидаги Оуэн ва унинг отаси рамзи туширилган баннер намойиш этди.

"Ливерпуль" устози Юрген Клопп мураббийлик ўриндиғидан кўтарилиб, мухлислар билан бирга болакай хотирасига қарсак чалди.