Лингард ва Перейра МЮдан кетади. Сульшер марказий ҳимоячи, вингер ва форвард билан шартнома имзоламоқчи

Мутахассис "Юнайтед" таркибини марказий ҳимоячи, ўнг қанот вингери ва ҳужумчи билан тўлдирмоқчи. Бундан ташқари, жамоадан Жесси Лингард ва Андреас Перейранинг кетиш эҳтимоли ҳам бор.

Олдинроқ маълум бўлганидек, 24 ёшли бразилиялик футболчига "Бенфика", шунингдек испан ва итальян клублари қизиқиш билдирмоқда.

Хабарларга кўра, "Манчестер Юнайтед" "Аякс" ярим ҳимоячиси Донни ван де Бек (40 млн евро+бонуслар)нинг трансфери бўйича келишувга эришган. У жамоага ёзда келиб қўшиладиган илк янги ўйинчи бўлади.