ЛегионерУз. Одил Аҳмедов жамоаси таслим қилган клуб Фозил Мусаевнинг “Жубило Иватаси”дан устун келди

Мусаев тўп сурадиган “Жубило Ивата” ўтган мавсумни 6-ўринда якунлаганди. Клуб билан 2+1 кўринишидаги шартномага имзо чеккан Мусаеевнинг айтишича, бу мавсум раҳбарият “Жубило Ивата”нинг олдига 5-ўриндан пастга тушмаслик вазифасини қўйган. Кўринишидан эса бу осон бўлмайди.

Чунки жамоа мавсумдаги илк ўйинда катта қийинчиликка дуч келди ва “Кавасаки Фронтале”дан енгилди — 0:3. Голларнинг барчаси биринчи бўлимда киритилди. Мусаевнинг айтишича, бўлим бошида “Жубило Ивата” футболчилари 2 та қулай имкониятни, аниқроғи, дарвозабон билан яккама-якка вазиятларни ҳавога совурган. Меҳмонлар бунга гол билан жавоб қайтаргач, руҳий устунлик тўлалигича “Кавасаки Фронтале” томонига ўтган. Иккинчи бўлимда эса вазиятни ўнглашнинг имкони бўлмаган. 

Jubilo Iwata

J. League . Round 1 25/02/2018, 10:30 3 : 0 Finished

Kawasaki Frontale Kengo Nakamura - 24', Shogo Taniguchi - 43', Eduardo - 45'

45'

90'

44'  Kentaro Oi

46'  Shun Morishita (Masaya Matsumoto)

58'  Nagisa Sakurauchi (Taishi Taguchi)

70'  Fozil Musayev (Rikiya Uehara)

12'  Eduardo Neto

24'  Kengo Nakamura

24'  Eduardo Neto

43'  Shogo Taniguchi

43'  Kengo Nakamura

45'  Eduardo

45'  Kengo Nakamura

54'  Eduardo

67'  Eduardo Neto (Hidemasa Morita)

78'  Kei Chinen (Yoshito Okubo)

85'  Kengo Nakamura (Kyohei Noborizato)

Open in Match Center

Мусаев шу куни 70-дақиқада алмаштирилди. Бу мавсумдаги илк расмий ўйин экани клубга панд берган кўринади. Чемпионлар Лигасида Япония шарафини ҳимоя қилаётган “Кавасаки Фронтале” эса тайёргарликни анча илгари бошлаб, халқаро майдонда 2 та ўйин ўтказиб улгурганди. Биринчисида жамоа Одил Аҳмедов тўп сурадиган “Шанхай СИПГ” клубини ўз майдонида қабул қилиб, 0:1 ҳисобида имкониятни бой берди. Кейин эса Кореяда “Улсан Хюндаи” клубидан енгилди — 1:2. Жей Лига мавсуми эса омадли чиқди.

Championat.asia статистикаси

29 ёшли Фозил Мусаев ўтган мавсум “Жубило Ивата”нинг чемпионатдаги 31 та ўйинида майдонга тушди. Жами 2657 дақиқа тўп сурган ўзбекистонлик ярим ҳимоячи 4 та гол уришнинг уддасидан чиққанди. Бу йил ҳам асосий таркиб аъзоси эканлигини исботлаяпти. “Жубило Ивата”нинг кейинги ўйини 3 март куни “Нагоя Грампус” майдонида ўтади. Ўзбекистон миллий терма жамоасининг йиғинига келгунига қадар Мусаев жами 6 та ўйин ўтказган бўлади. Демак, унгача у формасини анчагина тиклаб олади.