La Sexta: «Манчестер Сити» Серхио Рамосга 10 млн евро маош таклиф қилмоқчи

«Сити» 28 ёшли Испания терма жамоаси аъзосига йилига 10 миллион евро маош беришга тайёр. Бу ҳозир олаётган маошидан 2 миллионга кўп, деб хабар бермоқда La Sexta нашри.

Рамос «Реал» билан янги шартнома борасида музокараларни бошлади. «Сити»нинг қизиқиши футболчи учун Мадрид клубидан кўпроқ маош талаб қилиши мумкин.

Айни пайтда «Реал»нинг фақат икки футболчиси 10 миллион евродан кўп маош олишади: Криштиану Роналду (20 миллион) ва Гарет Бэйл (11 миллион).

Эслатиб ўтамиз, Рамоснинг «Реал» билан амалдаги шартномаси 2017 йилда тугайди.