Latest news

01:29Эрон Про лигаси. "Трактор" меҳмонда "Сепахон"ни мағлуб этди, Ҳамробеков захирадан тушди  0 00:20"Андижон" ўз майдонида "Сўғдиёна" билан дуранг ўйнади. "Насаф" эса сўнгги дақиқаларда "Қизилқум" устидан ғалаба қозонди  1 00:10АПЛ. "Арсенал" - "Манчестер Сити" 1:1  0 00:05COPE: Бускетс МЛС мавсуми сўнггида фаолиятини якунлайди  0 23:30Акмал Рустамов: "Ҳакам қоида бузилишини атайин кутди"  18 23:03Максим Шацких: "Биринчи таймда шунча вазият яратиб, гол ура олмасликни қандай изоҳлаш мумкин, билмадим"  6 22:54"Барселона" — "Хетафе". Педри, Левандовски ва Рафинья асосий таркибда  6 22:48Рўзиқул Бердиев: "Бизга бугун уч очко жуда зарур эди"  16 22:34АПЛ. "Арсенал" "Манчестер Сити" билан ўйиннинг сўнгги дақиқаларида мағлубиятдан қутулиб қолди, Ҳусанов жароҳат сабаб бир тайм ўйнади  57 22:14Иван Бошкович: "Рубин Хебайда жароҳат бор"  1 21:25Ла Лига. "Атлетико" меҳмонда "Мальорка" билан дуранг ўйнади, мадридликлар ўйинни ўн киши бўлиб якунлашди  3 21:15Ҳакам томонидан қўшиб берилган дақиқаларда Черан томонидан киритилган гол "Насаф"га ғалаба тақдим этди  123 21:02Туркия Суперлигаси. "Башакшехир" ўз уйида "Аланяспор"ни мағлуб этолмади, истанбулликларнинг ягона голига Шомуродов муаллифлик қилди  17 20:52БАА Про лигаси. "Ал Батаэҳ" "Ал Васл"га мағлуб бўлди, Ғаниев 59 дақиқа ўйнади  1 19:37Родри: "Арсенал"дан қасос олишимиз керак"  7

Кун мавзусидаги қизиқ факт ва оддий ҳақиқат: Мураббийга вақт ва имконият керак! News

Кун мавзусидаги қизиқ факт ва оддий ҳақиқат: Мураббийга вақт ва имконият керак!

Суперлиганинг 2020 йилги мавсуми якунлангани ва мусобақа жадвалидаги ҳолат бизга оддий ҳақиқатни яна бир бор кўрсатмоқда.

Эътибор беринг, жорий мавсум Суперлигада совриндор бўлган ва жадвалда юқори турган жамоалар ва уларнинг раҳбарияти томонидан мураббийларга берилган имконият самараси мусобақа жадвалида кўзгудек ярқ этмоқда.

Чемпион бўлган "Пахтакор"ни кетма-кет иккинчи йил шоҳсупага олиб чиққан грузиялик мутахассис Шота Арвеладзе катта ҳажмдаги ишларни амалга оширди. Жамоа яхши шаклланди ва ўйин чизгисига эга бўлди. Барқарор ўйин ва ўз услубини яратган "Пахтакор" бу натижага қисқа фурсатда эришмади. Яъни, 2017 йилда келган мураббийга "Пахтакор" раҳбарияти оқилона қарор чиқариб, керакли вақтни берди ва жамоа йилдан-йилга кучайиб, ўсишга эришмоқда. Нафақат ўйин, балки натижа тарафлама ҳам доимий юқори интилмоқда.

"Пахтакор"нинг муваффақияти нафақат мураббийлар штабининг иши, балки раҳбарият томонидан керак пайтда қилинган сабр ва берилган имконият самараси. Арвеладзе "Пахтакор"ни керакли ритмга тушириб олиши учун 2 йил вақт керак бўлди. Ҳозирда эса 3,5 мавсумни ўтказаётган жамоа аллақачон натижа келтиришни бошлаб юборган ва қизиғи, жамоа йилдан-йилга турли хил мусобақалардаги натижаларини яхшилаб келмоқда.


Кумуш медалига учинчи маротаба эга чиққан "Насаф" клуби манзилига ҳам бу мақтовларни йўллаш мумкин. "Насаф"да бу тизим аллақачон йўлга қўйилган. Баҳром Давлатов давридаёқ барпо этилган пойдевор ва бир маромда ишлаб келаётган тизим ҳамда раҳбарият томонидан Рўзиқул Бердиевга кўрсатилаётган ишонч натижасида "Насаф" доимий барқарорликни сақлаб келмоқда. Жамоа муваффақиятларининг асосий сабабчиси албатта бугунги кунда Рўзиқул Бердиевнинг амалга ошираётган тўғри йўналишдаги ишлари. Лекин мураббийга берилган юқори ишонч кредити Бердиевни ортиқча босимдан халос қилиб, хотиржам ишлашига туртки бўлмоқда.

Бу эса клуб раҳбарияти ва ҳомий ташкилот томонидан берилган ишончнинг меваси. Ўртада бир тўхталиш юзага келган ва "Насаф" қаторасига 2 йил медалларсиз қолганди. Бунга асосий сабаб авлодлар алмашуви бўлди. Бердиев қайтадан жамоани яна шакллантириб олиши учун 2 йил вақт талаб этилди ва 2018 ҳамда 2019 йилда ўз ўрнида бўлмаган "Насаф" жорий мавсум яна эски жойига қайтди.

Бу ҳам юқорида айтилган оддий ҳақиқат, яъни мураббийга вақт керак дейилиши бежиз эмаслигини исботлайди.

Жорий мавсум Ўзбекистон чемпионатида пайдо бўлган янги совриндор жамоа, яъни АГМКнинг муваффақиятлари ҳам бежиз эмас. Клуб 2 йил аввал жамоа кетаётган йўл ҳаритасини ўзгартирди ва Олмалиқда гранд жамоа тузишни режалаштирди. АГМК раҳбарияти бу йўлда Миржалол Қосимовга ишонч билдирди ва мураббийга керакли вақт ҳамда имкониятни яратиб бермоқда. Биринчи мавсум чемпионат доирасида кутилган натижа бермади, лекин жамоа Ўзбекистон кубоги ва Лига кубоги финалларига қадар етиб борди.

Олмалиқ кон металлургия комбинати раҳбарияти ҳам "Пахтакор" ёки "Насаф" каби профессионал клублар каби тўғри қарор чиқариб, Миржалол Қосимовга ишлаш учун ишонч ва имконият тақдим этди. Натижада Қосимов АГМК жамоаси тарихида янги саҳифа очиши учун 2 йил етарли бўлганини кўришимиз мумкин. АГМК ҳам "Пахтакор" сингари йилдан-йилга ривожланиб, жамоа сифатида ҳам яхши шаклланиб бормоқда. Клуб тарихидаги энг яхши натижа қайд этилгани тасодиф эмас. АГМК мисолида Қосимов Ўзбекистон чемпионатида янги қиёфадаги навбатдаги гранд жамоани тайёрламоқда. АГМКда ҳам ишлар тизимли йўлга тушаётгани ва жамоанинг келажакдаги пойдеворига айланадиган академия барпо этилиши режалари ўзбек футболи учун жуда фойдали бўлади.

Суперлиганинг жорий мавсумдаги совриндорлари ("Пахтакор" / Арвеладзе, "Насаф" / Бердиев, АГМК / Қосимов) мисолида клуб раҳбарияти томонидан тўғри олиб бориладиган сиёсат муваффақият сари етаклашини кўриш мумкин. Қизиқ факт ва оддий ҳақиқат.


Нафақат совриндорлар, балки мусобақа жадвалининг юқори қисмида турган дастлабки еттиталикда ("Пахтакор", "Насаф", АГМК, "Бунёдкор", "Қўқон-1912", "Сўғдиёна", "Металлург") мавсум давомида мураббий алмашгани йўқ.

Шу боисдан ҳам мазкур жамоалар қолганларга нисбатан барқарорликни сақлаб туришибди. Қолган еттиталикдаги "Машъал"дан ташқари барча жамоаларда йил давомида қатор мураббийлар истеъфога чиқариб, навбати билан янги номлар келтирилди. Лекин бу жамоа манфаатидан кўра, зарарига ишлагани гувоҳ бўлишимиз мумкин. Фақатгина элитага энди чиққан "Машъал" пастки еттиталикда мураббийини алмаштиргани йўқ. Камтаргина кўринган муборакликлар учун элитада ишончли ўйнаб, жон сақлаб қолиш учун курашмаганининг ўзиёқ барқарорлик ва бу ҳам мураббийга кўрсатилган ишонч меваси.

Нима демоқчи бўлганимизни тушундингиз. Муваффақият истаётган жамоалар натижага эришиши учун фақатгина шароитни ўзи камлик қилади, балки раҳбарият томонидан мураббийга маълум вақт ва имконият берилиши ҳам зарур масала.

Юқоридаги тайёр мисоллар эса мураббийларини қўлқопдек алмаштирадиган ва сабр қилишни билмайдиган клуб раҳбарлари учун ажойиб қўлланма.


Қадрли мухлис, сизда бу борада фикр қандай? Ўз мулоҳазаларингизни изоҳларда ёзиб қолдиришингиз мумкин.

Rating: +24   

Comments

championat.asia
< show latest news
Яндекс.Метрика