Клопп: “Далглишнинг коронавирусга чалинганлиги ҳақидаги хабар бизни ларзага солди”

“Бу хабарни эшитганимда қайғуга тушдим. Йигитларга ҳам хабар жўнатишди, улар ҳам бундан хафа бўлишди. Бу даҳшатли касаллик эканлигини биламиз. У инсонларга руҳий тарафдан ҳам таъсир ўтказаётгани сирмас. Аммо бизнинг яқинларимиз бу касалликка чалиниши илк бор кузатилмоқда.

Мен Далглишнинг қизи билан бу ҳақда гаплашдим. Унинг ҳам бундан қайғуда, аммо ҳаммаси биз ўйлаганчалик ёмон эмас. Орадан икки кун ўтиб, биз унинг шифохонадан чиққанини билдик. Бу яхши янгилик. У ўзини яхши ҳис қилаётганига ишонаман. Биз Кеннини барчамиз яхши кўрамиз”, дея Клоппнинг сўзларидан иқтибос келтирмоқда “Ливерпуль” клуби расмий сайти.