Клопп "Атлетико" ҳимоячисига қизиқиб қолди. Унинг товон пули – 120 млн евро

AS нашри хабарига кўра, инглиз клуби шартномаси ёзда ниҳоясига етадиган Деян Ловренга ўринбосар қидирмоқда. "Қизиллар"нинг шорт-листидан 3 футболчи ўрин эгаллаган: Дайо Упамекано ("РБ Лейпциг"), Алессандро Бастони ("Интер") ва Хосе Хименес ("Атлетико").

Мадрид клуби футболчиси иккинчи қаватдаги ишончли ҳаракатлари ва тўп билан яхши муомала қилиши туфайли "Ливерпуль" бош мураббийи Юрген Клоппнинг эътиборини ўзига жалб қилган.

Хименеснинг "Атлетико" билан амалдаги шартномаси 2023 йилга қадар мўлжалланган бўлиб, унинг товон пули 120 миллион еврони ташкил қилади. 25 ёшли уругвайлик ҳимоячи жорий мавсум Ла Лига доирасида 11та учрашув ўтказди.