Клопп: "АПЛнинг жорий мавсуми - сўнгги йиллардаги энг қизиқарлиси"

"Ҳозир бизнинг натижаларни "Манчестер Сити"ники билан солиштиришдан маъно йўқ. Биз бир-биримизнинг ғалаба ёки муваффақиятсизлигимизга шундай реакция билдирамиз. Агар улар жума куни ўйнашса, биз эса якшанбада, кўпчилик бизга босим бўляпти деб ўйлайди. Бундай ҳолатда сиз "Челси", "Тоттенхэм", "Арсенал", "Манчестер Юнайтед" ёки яна кимнидир назардан қочирган бўласиз.

"Манчестер Сити" билан курашимиз мавсум охиригача давом этади деб умид қиламан. Англия чемпионатининг бу мавсуми - сўнгги йиллардаги энг қизиқарлиси. Германияда ҳамма "Бавария"га эътироз билдирарди, чунки чемпион доимо октябрь ойида маълум бўлган.

Ўтган йили бир нечта жамоа ҳақиқатдан ҳам яхши натижа кўрсатди, аммо ҳеч ким "шаҳарликлар"га ета олмади, чунки ноябрь ойидаги фарқ жуда катта эди. Ҳозир бошқа жамоалар нима қилаётганига эътибор бермаяпмиз. Уларга қарши ўйнасак, шундагина бу нарсаларга қараймиз. "Ливерпуль" бор эътиборни ўзига қаратган. Бу бизни ўзимиз истаган натижага элтувчи ягона йўл" - дейди Клопп.