Кариус "Бешиктош"ни тарк этишга қарор қилди

Ижара асосида "Бешиктош" клуби шарафини ҳимоя қилаётган "Ливерпуль" дарвозабони Лорис Кариус турк клубини тарк этмоқчи. У аллақачон ўз агентидан янги жамоа топишни сўраган.

Аввалроқ Туркия кубоги 1/8 финал босқичи доирасидаги қуйи дивизион вакили "Эрзумспор"(2:3) клуби билан ўйин мобайнида истанбуллик мухлислар германиялик дарвозабонга қарши ҳуштакбозлик уюштиришгани ҳақида хабар қилгандик. Кариус айнан шу ўйиндан кейин жамоадан кетишга қарор қилган.