“Бешиктош” мухлислари Кариусдан норози эканликларини намойиш этишди
24 янв 2020 23:09
Янгиликлар
“Бешиктош” мухлислари Кариусдан норози эканликларини намойиш этишди
Туркия кубоги 1/8 финалида ўрин олган “Бешиктош” – “ББ Эрзумспор” учрашуви вақтида “Бешиктош” клуби мухлислари жамоа дарвозабони Лорис Кариусдан норизо эканликларини билдириб қўйишди.
Истанбуллик мухлислар Кариус ҳар сафар тўп билан муомала қилганда ҳуштакбозлик уюштириб, дарвозабонга ишонмасликларини шу тариқа намоён этишди. Учрашув 3:2 ҳисобида “ББ Эрзумспор” фойдасига якунланди.
Мазкур жамоалар ўртасидаги илк беллашувда ҳам худди шундай ҳисобда пастки дивизионда иштирок этувчи “ББ Эрзумспор” клуби ғалаба қозонган эди. Шу тариқа “Бешиктош” мамлакат кубоги баҳсларини тарк этди.
Кариус 2018 йил ёзидан буён ижара асосида “Бешиктош” шарафини ҳимоя қилиб келмоқда. 26 ёшли немис футболчиси ҳуқуқий жиҳатдан “Ливерпул”га тегишли. Клублар ўртасидаги келишув жорий мавсум сўнггига қадар амалда бўлади.
Ўхшаш янгиликлар
championat.asia
Ҳакам томонидан қўшиб берилган дақиқаларда Черан томонидан киритилган гол "Насаф"га ғалаба тақдим этди
Суперлига. "Бухоро" "Навбаҳор" дарвозасига жавобсиз 5 та тўп киритди
Суперлига. "Нефтчи" марказий тўқнашувда "Динамо"дан устун келди ва пешқадам "Насаф"га анча яқинлашди
Тимур Кападзе Хитой мураббийи бўлиши ҳақидаги саволга аниқ жавоб берди
Фикрлар