Latest news

16:26"Ньюкасл" "Барселона" ярим ҳимоячиси учун 100 миллион евро тўлашга тайёр  1 15:58Родриго "Реал"да қоладими?  0 15:28"Арсенал" "Байер" футболчисининг трансферини якунлади  1 14:57"Ал Иттиҳод" Педро учун 35 миллион евро таклиф қилди  3 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  13 13:04"Фенербахче" Моуриньюни бош мураббий лавозимидан озод этди  11 12:52Туркманистон бош мураббийи Ровшан Мередов: "Бу савол менга эмас"  10 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  20 11:56Тимур Кападзе Паулу Бенту ҳақида фикр билдирди  32 11:44Карлуш Кейруш: "Бир неча йил аввал Ўзбекистон футболи "уйқу"да эди"  26 11:40Карлуш Кейруш Паулу Бенту ҳақида фикр билдирди  1 11:20Ўзбекистон МТЖ эртага янги формада ҳаракат қилади  13 10:53Довбик А Сериянинг бошқа жамоасига ўтишга яқин  5

Жиддий нигоҳли Купер ва хотиржам Аҳмедов News

Жиддий нигоҳли Купер ва хотиржам Аҳмедов

Бугун кун тартибидаги Ўзбекистон терма жамоаси иштирокидаги расмий тадбирлар тугади.

Шаржа шаҳридаги "Шаржа" стадионининг матбуот анжуманлар залида аввалига Эктор Купер ва Одил Аҳмедов билан матбуот анжумани ўтказилди.

Куннинг илк расмий тадбири маҳаллий вақт билан соат 15:15да бошланди. Эътиборлиси, ОФК мутасаддилари матбуот анжуманини айнан белгиланган вақтда бошлашди. Ваҳоланки терма жамоамиз устози Эктор Купер ва сардоримиз Одил Аҳмедов анча аввал матбуот анжуманлари залига кириб ўтиришганди. Лекин анжуман бошловчиси белгиланган вақтга қадар кутишни лозим топди. Бу эса таҳсинга сазовор иш.

Матбуот анжумани икки тилда: араб ва инглиз тилида олиб борилди. Эктор Купернинг жавоблари ўзбекчага ўгирилмади. Анжуман узоқ вақт чўзилиб кетмаслиги учун ОФК шундай қарорга келган кўринади. Сал аввал матбуот анжуманида мураббий ва Аҳмедовнинг ўйинолди фикрларини батафсил ёздик.

Ҳаётда жуда хушчақчақ бўлган Купер бу сафар жиддий мусобақа старти олдидан ортиқча ҳазиллашиб ўтирмади. Ҳозир ҳазиллашадиган пайт ҳам эмас. Барча диққат-эътиборни эртанги муҳим баҳсга қаратиш керак.

Аҳмедов эса доимгидек хотиржам ва консентрацияни ўйинга жамлаб турибди. Муҳими, футболчимиз хотиржамликни йўқотмаган.

Ўзбекистондан БААга 25-30 нафарга яқин журналистлар келишган. Матбуот анжуманида ҳамкасбларимиз Купер ва Одилни саволлар ёмғири остида қолдиришни исташмади шекилли, анжуман меҳмонларига иккита хорижлик ва 3 нафар маҳаллий журналистларимиздан саволлар берилди. Муҳим мусобақа старти олдидан терма жамоамиз аъзоларини ортиқча саволлар билан қийнамасликда ҳам бир ҳикмат бор.

Умид қиламизки, эртанги ўйиндан кейин ҳам журналистларда бизникиларга ортиқча саволлар туғилмайди :-)

Матбуот анжуманидан сўнг Ўзбекистон терма жамоаси эртага ўйин бўладиган "Шаржа" стадионида расмий машғулотга киришди. Одатга кўра ОАВ ходимлари учун машғулотнинг дастлабки 15 дақиқаси очиқ бўлди. Фотографлар майдон ичидан ушбу лаҳзаларни суратга олишди. Журналистлар эса медиа-трибуна ҳудудидан машғулотнинг дастлабки 15 дақиқасини кузатишди.


Терма жамоамиз ОАВ учун очиқ бўлган дастлабки 15 дақиқасини майдон четидаги йўлакчада жисмоний қизиб олиш машқларини бажарган ҳолда ўтказишди. Бу вақт мобайнида футболчилар билан жисмоний тайёргарлик бўйича мутахассис Антонио Сариоглу шуғулланди.

Дарвозабонлар мураббийи Денис Иванков эса у нафар киперларимиз Юсупов, Нестеров ва Қувватовни алоҳида дастур асосида шуғуллантирди. Шундан сўнг белгиланган вақт тугади ва ОАВ ходимлари медиа-марказга қайтишди. Айни пайтда эса Эктор Купер машғулот жараёнининг асосий қисмини ёпиқ ҳолда ўтказмоқда.



Кўзимиз билан кўрганимиз, барча футболчилар соғ-саломат ва машғулотларда тер тўкишмоқда. Эртага эса ушбу меҳнатлар самарасини таблодаги ҳисобда акс этишини кутиб қоламиз.

Ҳозирча бўлиб ўтган тадбирларнинг дастлабки қисми, яъни бизникилар билан боғлиқ жараёни тугади. Расмий тадбирларнинг иккинчи қисмида Уммон вакиллари қатнашади. Дастлаб маҳаллий вақт билан 17:15да Уммон терма жамоаси устози Пим Вербейк ҳамда футболчи иштирокидаги матбуот анжумани. Кейин эса маҳаллий вақт билан соат 18:00да Уммон терма жамоасининг расмий машғулоти бошланади.


Шаҳбоз Беғамов

Шаржа, 8 январь

Rating: +46   

Comments

championat.asia
< show latest news
Яндекс.Метрика