Даҳшат! Жек Грилишнинг уйидан 1 миллион евро қийматидаги буюмларни ўғирлаб кетишди ва унинг оила аъзоларини қўрқитишди

Ўша пайтда уйда футболчининг 10 нафарга яқин қариндоши бўлган. 

Яқинда Грилиш вертолёд қўниш ҳудуди, кўл, қайиқда учиш ва балиқ овлаш учун имкониятлари бўлган уйга кўчиб ўтганди. 

"Оила аъзолар қўрқитилган. Жиноятчилар кўплаб соат ва тақинчоқларни ўғирлашган. Улар ишларини "Манчестер Сити" ўйнаётган пайт қилишган. Оиланинг аъзолари футболни жонли эфирда томоша қилиб, футболчини қўллаб-қувватлаш учун йиғилишган. 

Хеч ким жабр кўрмаган, лекин ваҳима ва қўрқув катта бўлди", - деди вазиятга яқин манбаа.

Ўғрилар олиб чиқиб кетган буюмлар қиймати 1 миллион евродан ортиққа баҳоланмоқда. Уй атрофида қидирувлар олиб борилди. Аммо жиноятчилар изи аниқланмади. Тергов давом этмоқда. Аммо полиция ҳали иш бўйича хеч кимни қамоққа олмаган.