ЖЧ-2022 саралаши. Гуруҳдошимиз Яман терма жамоаси устози: "Сингапурни биринчи таймда ўрганамиз"
05 sep 2019 11:21
News

ЖЧ-2022 саралаши. Гуруҳдошимиз Яман терма жамоаси устози: "Сингапурни биринчи таймда ўрганамиз"

Бугун ЖЧ-2022 саралаши доирасидаги Сингапур - Яман учрашуви бўлиб ўтади.

Кеча одатга кўра ўйиндан олдинги матбуот анжумани бўлиб ўтди. Яман футбол Ассоциацияси расмий сайти хабар берди. Унда Яман бош мураббийи Сами Ал Нааш ҳамда жамоа сардори Салим Авад иштирок этишди.

Сами Ал Нааш, Яман терма жамоаси бош мураббийи:

"Футболчилар ўйинга тайёр ва яхши кайфиятда ижобий натижага умид қилишмоқда. Бизнинг жамоа тажрибали ва ёш футболчилар уйғунлигидан ташкил топган. Ҳар бир футболчи ўзини кўрсатишга ва ватан шаънини муносиб ҳимоя қилишга тайёр. Сингапур терма жамоаси ҳақида баъзи маълумотларга эгамиз, аммо бу етарли эмас. Шу боис биринчи таймда рақибни ўрганамиз ва иккинчи бўлимда унинг кучсиз томонларидан фойдаланишга ҳаракат қиламиз".

Салим Саид Авад, Яман терма жамоаси сардори:

"Барчамиз Сингапур билан баҳсга тайёрмиз. Иккала жамоа учун ҳам саралашни яхши бошлаш жуда муҳим ҳисобланади. Икки жамоа ҳам 3 очко олишга интилиши аниқ. Ғарбий Осиё чемпионатидаги ўйинлар орқали ЖЧ-2022 саралашига тайёрландик. Энди тайёргарликни расмий ўйинларга кўчириш лозим. Биринчи ўйиндаги ғалаба бизга қўшимча ишонч бағишлайди ва бутун цикл давомида яхши кайфият тақдим этади".

Эслатиб ўтамиз, Яман ва Сингапур терма жамоалари Ўзбекистон билан бир гуруҳдан жой олишган. Гуруҳдошларимиз ўртасидаги бугунги баҳс Тошкент вақти билан соат 16:45да бошланади. Учрашувни Спорт телеканали жонли эфирда намойиш этишни режалаштирган.

Singapore

Ikhsan Fandi - 27', Faris Ramli - 52'

World Cup Qualification AFC 2nd Round Grp. D . Round 1

05/09/2019, 17:45

Finished

Yemen

Abdulwasea Al Matari - 34', Mohsen Mohammed - 45'

Stadium: 7018 spectators

45'

90'