Жасур Ҳамроев: "Футболда захирангиз бўлмаса узоққа бориб бўлмайди"

"Икки жамоа ҳам тенг ўйин кўрсатди. Ҳаво совуқ бўлишига қарамасдан шиддат юқори бўлди дея оламан. Очиқ футбол гувоҳи бўлдик. Бундай ўйинларни телевидиние орқали кўрсатиш керак эди. Учинчи ўринни эгалладик. Аслида мақсадимиз Суперлигага йўлланмани қўлга киритиш эди. Мавсумни юқори нотада якунлашимиз талаб этиларди. "Шўртан" ҳам ғалабага ҳақли эди. Ким вазиятлардан фойдаланиб гол урса ўша жамоа ғалаба қозонарди. Ютуқ барибир ёқимли.

Бу - футбол. Бугунги ўйин тарихда қолди. Бу билан тўхтаб қолиши керак эмас. Қўлимиздан келганча элитага йўлланма олишга ҳаракат қилдик. Мавсум якунидаги ўйинларда таркибимиз билан боғлиқ муаммолар пайдо бўлди, жароҳатлар, дисквалификациялар ва ҳоказо. Натижада ёш футболчиларга имконият бердик. Лекин улар бир хил даражада тўп тепа олишмади. Кейинги мавсум яхши таркиб жамлаган ҳолда Суперлигага қайтишга ҳаракат қиламиз. Футболда захирангиз ёки фундамент бўлмаса узоққа бориб бўлмайди. Бошқа вилоятдан футболчи тажрибали ижрочилар олиб келинишига қарши эмасман. Лекин доим захира бўлиши керак. Жамоадаги тақдирим раҳбариятнинг қўлида, эртага ишлаймизми йўқми барини улар ҳал қилишади",- дейди Жасур Ҳамроев.