Жаҳон чемпионатида ишлаган мураббий БАА термасини бошқаради
30 jun 2020 13:24
News

Жаҳон чемпионатида ишлаган мураббий БАА термасини бошқаради

БАА терма жамоасига янги бош мураббий тайинланди.

Жаҳон чемпионатида Коста Рика билан чорак финалга қадар етиб борган Хорхе Луис Пинто расман БАА миллий терма жамоасининг бош мураббийи этиб тайинланди. 67 ёшли колумбиялик мутахассис Амирлик жамоаси билан икки йиллик битимга келишди.

Пинто мураббийлик фаолияти давомида Колумбия, Перу, Коста Рика ва Венесуэлада чемпионликни қўлга киритган. Шунингдек, ЖЧ-2014да Коста Рика билан чорак финалда ўйнаган.

Ўшанда жамоа Нидерландияга пенальтилар сериясига кўра имкониятни бой берганди. Гуруҳ баҳсларида коста рикаликлар Англия билан дуранг ўйнаб, Уругвай ва Италияни мағлуб этишганди.

Ушбу мураббий коронавирус туфайли мамлакатни тарк этган Иван Йованович ўрнини эгаллади. БАА терма жамоаси ЖЧ-2022 саралаш босқичида ўз гуруҳида тўртинчи ўринда боряпти.

Link :

Source : the-afc.com

Receive latest football news directly on your phone. Subscribe for our Telegram channel!

Rating: +6