Италиянинг уч клуби "Рубин" ярим ҳимоячисига қизиқмоқда

"Хвичанинг Грузия терма жамоаси сафида Испания ва Грецияга урган голлари унинг трансфер қиймати камида беш миллион еврога ошганини англатади. Европа клублари аллақачон футболчининг агентлари билан музокара олиб боришмоқда.

Билишимча, агент Мамука Жугели тез орада Италияга жўнаб кетади ва у ерда "Милан" ва "Ювентус" вакиллари билан учрашади. Шунингдек, грузиялик ўйинчига "Наполи" ҳам қизиқмоқда. Эшитишим бўйича Италияда Хвичани Каха Каладзе реклама қиляпти", – деб ёзди Арустамян telegram'да. 

Кварацхелия "Рубин"да 2019 йилдан бери ўйнаб келмоқда. Шу вақт ичида у 49 та учрашув ўтказиб, 7 та гол урди ва 8 та голли узатмани амалга оширди.