Италия Суперкубоги яна Саудия Арабистонида бўлади

Маълумотларга кўра, навбатдаги учрашув ҳам Саудия Арабистонида ташкил этилади. Бунда мамлакат чемпиони "Интер" Кубок соҳиби "Ювентус"га қарши баҳс олиб боради. Суперкубок учун беллашув 2022 йилнинг январь ойида ўтказиш мўлжалланмоқда. 

"Навбатдаги Суперкубок ҳам Саудия Арабистонида ташкил этилади ва ўйинга мухлислар ҳам киритилади. Бу жуда қизиқ баҳс бўлади, - дея айтиб ўтди Италия футбол лигаси раҳбари Паоло Дал Пинто, - Бизда Саудия Арабистони футбол федерацияси билан жуда яхши келишув бор. Улар аввалги Суперкубокни ҳам юқори савияда ташкил этиб беришди. Биз эса ўз навбатида Саудия Арабистонига аёллар футболини кўтариш учун ёрдам беряпмиз".