Испания ҳакамлар қўмитаси вице-президенти "Барселона"дан умумий миқдорда қанча пул олгани маълум қилинди

Олдинроқ клуб 2016-2018 йилдан буён Хосе Мария Негрейрага 1,4 млн евро ўтказиб бергани борасида маълумотлар берилганди. Кейинчалик "Барселона" бу борада расмий баёнот билан чиқиб, клуб ёш футболчи ва ҳакамларнинг ҳисоботлари учун ўтказганлигини маълум қилганди.

Кейинчалик "Барселона" 2003 йилдан буён Нейрейрага 4,7 млн евро ўтказиб келганлиги маълум қилинди. Ундан ташқари, Нейрейра ҳар бир ўйин олдидан "Барселона"га ҳакамларнинг маълумотлари, ҳисоботларини тақдим қилиб борган.

"El Mundo" нашрининг ёзишича, Нейрейра 2001 йилдан буён "Барселона"дан умумий миқдорда 6 659 488 евро қабул қилиб олган.

"Барселона"да Жоан Гаспар президент бўлиб турганида 2001/02 йилги мавсумда 135 288 евро, 2002/03 йилги мавсумда 139 535 евро қабул қилган.

Жоан Лапорта президент бўлганидан кейин эса Негрейра кўпроқ пул ишлаб олишни бошлаган. Лапортадаги дастлабки мавсумда 2003/04 йилги мавсумда 145 758 евро, 2009/10 йилги мавсумда эса 573 398 евро.

Сандро Россел даврида 2010-2014 йиллар давомида суммалар деярли ўзгармаган. Жозеп Бартомеу эса суммани сезиларли оширган - 2 йилга 1,6 млн евро.