Latest news

18:59"Арсенал" "Барселона" ярим ҳимоячиси учун курашга қўшилди  1 18:52"Навбаҳор", "Динамо", "Бухоро"га жарима ва яна кўплаб қарорлар – Тартиб-интизом қўмитасининг навбатдаги йиғилиши тафсилотлари  4 18:29Эшитдик-да! Жамшид "Нефтчи"дан "Навбаҳор"га қайтмоқда  6 18:15"Арсенал" мухлислари Мадуэке трансферига қарши чиқишмоқда  3 17:46Абрамов, Алибоев, Неъматов ва Сергеев — Суперлигада 1-давранинг энг яхшилари  1 17:20Месси "Барселона" учун хайрлашув учрашувини янгиланган "Камп Ноу"да ўтказади  3 16:52Пенальтилар статистикаси: Биринчи даврада ким кўп пенальти тепди ёки умуман нуқтага ҳам яқинлашмади?  0 16:24Пулишич Саудия Арабистонига йўл олиши мумкин  3 15:57Ресан, Ратиньо, Цигер... Суперлиганинг 1-давра легионерлар рамзий терма жамоаси  4 15:42"Байер" ақшлик футболчини 35 млн еврога харид қилди  0 15:17Расман: Пиоли янги жамоасини қабул қилиб олди  0 14:29Сергеев, Дориев, Мозговой... Суперлиганинг 1-давра рамзий терма жамоаси  7 14:16Шойқулов "Андижон"дан кетди  2 13:46Итальян клуби Санчо учун МЮга 10+5 млн евро таклиф қилди  1 13:17"Ювентус" Рэшфорд билан шартнома имзоламоқчи  1

Иордания терма жамоаси Фаластин ва Ливия билан ўртоқлик учрашувини ўтказади News

Иордания терма жамоаси Фаластин ва Ливия билан ўртоқлик учрашувини ўтказади

Ўзбекистон миллий терма жамоасининг ЖЧ-2014 саралаш плей-оффидаги рақиби - Иордания терма жамоаси Фаластин ва Ливия терма жамоаларига қарши ўртоқлик учрашувини ўтказади.
Иордания Футбол Уюшмаси берган маълумотга кўра, Иордания миллий терма жамоаси мураббийлар штаби илтимосига кўра терма жамоа 6 август куни Фаластин, 9 август куни эса Ливия терма жамоаларига қарши ўртоқлик ўйинида майдонга тушади. Мазкур учрашувлар Ҳуссам Ҳассан бошчилигидаги Иордания терма жамоаси учун 15 август куни Сурияга қарши ОК-2015 саралаш ўйини, шунингдек сентябрь ойида Ўзбекистонга қарши ЖЧ-2014 плей-офф ўйинларидан олдинги тайёргарлик вазифасини ўтайди.

Иордания терма жамоаси бош мураббийи Ҳуссам Ҳассан, мазкур ўртоқлик учрашувлари терма жамоа футболчиларининг жисмоний ҳолатини текшириб олиш учун яхши имкониятлигини таъкидлади. «Футболчиларнинг техник ва жисмоний имкониятларини билиб олиш учун ушбу ўртоқлик учрашувлари биз учун муҳим. Фаластин ва Ливияга қарши ўйинлар орқали Сурия терма жамоасига қарши муҳим ўйинга тайёргарлик кўрамиз. Ушбу учрашувда ижобий натижага эришиш биз учун муҳим аҳамият касб этади. Айнан Сурияга қарши учрашувдан сўнг 6 ва 10 сентябрь кунлари Ўзбекистонга қарши ЖЧ-2014 саралаш баҳсларига тайёргарлик кўришни бошлаймиз», - дейди Иордания терма жамоаси бош мураббийи.

Маълумот ўрнида, Ўзбекистон миллий терма жамоаси 14 август куни Тошкентдаги «Пахтакор» стадионида Туркия терма жамоасига қарши ўртоқлик ўйинини ўтказади. Миллий терма жамоа бош мураббийи Миржалол Қосимов мазкур ўйинда майдонга тушиши мумкин бўлган футболчиларнинг рўйхатини эълон қилгани ҳақида аввалроқ маълумот бергандик.

Эслатиб ўтамиз, Иордания терма жамоаси ЖЧ-2014 саралаш плей-офф босқичида Миржалол Қосимов бошчилигидаги Ўзбекистон миллий терма жамоасига рақиблик қилади. Мазкур терма жамоалар ўртасидаги плей-оффнинг дастлабки ўйини 6 сентябрь куни Иордания пойтахти Амман шаҳрида ўтказилса, жавоб ўйинига 10 сентябрь куни Тошкент мезбонлик қилади.
Rating:    

Comments

championat.asia
< show latest news
Яндекс.Метрика