Иордания бош мураббийи: “Биз Бразилияга боришни хоҳлаймиз”

Мана шу ўйинлар арафасида Иордания термаси бош мураббийи Ҳоссам Ҳассан ФИФА расмий сайтига интервью берди. Қуйида мисрлик мураббийнинг интервьюсидан баъзи фикрларини келтириб ўтамиз.

“Ўз майдонимизда тўп сурганимизда охиригача курашамиз, қолаверса, мухлислар ҳам зўр қўллаб туришади. Биринчи ўйинни ўтказиб бўлгач, эртаси куниёқ Тошкентга учамиз. Чунки атиги тўрт кун ўтиб жавоб баҳсида майдонга тушамиз. Агар биринчи ўйинда керакли натижага эриша олсак, жавоб баҳсида ортиқча босимдан ҳоли бўламиз. Биз ҳужум ташкил қилаётганда хатога йўл қўйишни хоҳламаймиз. Айни пайтда мени жамоамнинг ҳолати тўлиқ қониқтиряпти. Шундай экан, ўз уйимизда бўлиб ўтадиган учрашувдан умидим ниҳоятда катта. Ўзбекистон термасини кузатиб бормоқдамиз ва уларнинг кучли-кучсиз томонларини биламиз. Умуман олганда, ўзбеклар ўйинни тезлик ва жисмоний тайёргарлик эвазига ташкил қилишади. Жаҳон чемпионатида тўп суриш ҳар бир фтуболчининг орзуси. Шогирдларим билан суҳбатлашганда уларга ЖЧда иштирок этиш нималигини кенгроқ тушунтиришга ҳаракат қиляпман. Ахир биз ҳам Бразилияга боришни хоҳлаймиз” – дейди Иордания термаси устози.
 

Хайрулла Холиқов тайёрлади