Илёс Зейтуллаев: "Бугун "Пахтакор"дек жамоага қарши ўйнадик, Качори бир метрдан гол урганда, ҳисоб 2:0 бўларди"

- Барчага хайрли кеч. Барча журналистларни миллий терма жамоамизнинг жаҳон чемпионатига йўл олгани билан табриклайман. Бунда сизнинг ҳам ҳиссангиз бор, чунки бу жараёнда уларни қўллаб-қувватлагансиз албатта. Барча ўзбекистонлик мухлисларни ҳам табриклайман. Ўйин ҳақида шуни айтишим мумкинки, йигитлар яна бир бор Ўзбекистон чемпионати грандлари билан тенгма-тенг ўйнай олишларини исботладилар.

Биз буни бу йил ОКМК, "Насаф", "Нефтчи"га қарши кўрсата олдик, жуда техик ва тартибли "Пахтакор" жамоасига қарши ҳам шундай ўйнадик. Шунинг учун йигитларга фидокорликлари учун миннатдорчилик билдирмоқчиман. Қийин лаҳзалар ва қийин даврлар, лекин улар яна бир бор жамоа тириклигини, жамоа ишонишини, жамоа ўйнашини, қўлидан келганда бунга ҳаракат қилишини, асосийси жамоа тириклигини кўрсатишди.

- Мавсум боши ва охирги ўйинлардаги ўйин сурати мавсум бошидек яхши бўлмаяпти. Бунга нима сабаб бўлмоқда? Бунинг бошқа бир сабаблари борми? 

- Менимча, энг муҳими, жароҳатларнинг кўплиги, асосий ўйинчилар билан боғлиқ. Улардан бири япониялик легионеримиз, у жуда керакли ўйинчи. Лекин мен бугун унинг ўрнига академиямиз битирувчисига айланган Наримоннинг номини тилга олишни истардим. Улар учун юрагим қувонади, чунки оғир пайтда уларда ўйнаш имконияти бор ва улар жуда яхши даражани кўрсатмоқда, шунинг учун академиямизда кучли ўйинчилар ҳам етишиб чиқаётганини кўрсатади.

Менимча, жамоа яхши футбол кўрсатиш учун қўлидан келган барча ишни қилмоқда. Аммо бизга боғлиқ бўлмаган омиллар бор ва шунинг учун биз ўзимизга боғлиқ бўлган нарсани иложи борича қилишга ҳаракат қиламиз. Бизга боғлиқ бўлмаган нарсаларни эса, афсуски, назорат қила олмаймиз.

- Ислом Иномов клубдан кетгани қанчалик сизга таъсир қилмоқда? Интернетда ҳам Илёс Зейтуллаев тез орада клубни тарк этиши мумкин деган хабарлар тарқалди.

- Ислом менинг дўстим, аммо профессионал бўлганимиз учун бундай вазиятлар ишимизга таъсир қилмаслиги керак. Спорт директори сифатида назаримда, жуда яхши ишлади. Бундай лаҳзалар жамоага, ўйин суръатига таъсир қилади. Аммо бошқа томондан, мен яна бир бор таъкидлайманки, бу жамоа яна бир бор ўзининг тириклигини, унга бундай нарсалар таъсир қилмаслигини кўрсатди.

Янгиликларга келсак, ҳозирча билмайман, ўйиндан олдин эътиборимни ўйинга, йигитларимга, назорат қилиш мумкин бўлган нарсаларга қаратишга ҳаракат қиламан.

- Ҳа, аслида биз чемпионатни яхши бошладик, жуда яхши муҳит бўлганди, ҳамма бир мақсад сари отланганди, ўйиндан-ўйинга ранг-баранг, чиройли футбол кўрсатиб, мухлисларни стадионга қайтаришга уринаётгандик. Биринчи ўйинлар ёдимда, тан оламан, менда шундай иштиёқ кучли эди, йигитлар билан суратга тушгандик, қандайдир муҳит ҳис қилинард. Тўғрисини айтсам, у қаерга йўқолганини билмайман, лекин сизга бир нарсани айтаман, жамоа аҳил ва тирик. Атрофда бўлаётган воқеалар, мана бу шамол, мана бу кўтарилаётган тўлқинлар, бу фаолиятимда доим бўладиган нарса. Мен шунчаки бунга кўникишим ва жамоам билан сўнгги кунгача бўлишим керак. "Бунёдкор"да ишлаётган пайтимгача ишлашга эътибор қаратишим керак, чунки мен учун бундай клубда бош мураббий бўлиш шарафли. Шунинг учун эртага клуб менга ишим учун раҳмат айтса, мен буни нормал қабул қиламан, лекин, албатта, баъзида қийин бўлиб туради.

- "Бунёдкор" ярим ҳимоя ва ҳужум чизиғи ўртасида қандайдир боғлиқлик йўқдек кўринди. Хожиакбар Алижоновнинг ўзи бир неча вазиятда осонликча ўтиб кетди. Бу жисмоний ҳолат билан боғлиқми? Качорим мавсумнинг дастлабки қисмида кашфиётга айланганди. Бугун эса бошланғич таркибда йўқ эди, бу ҳам жароҳат билан боғлиқми?

- Биринчи саволингизга жавобим шундайки, Алижонов жуда кучли футболчи. Шунинг учун у клубда кўрсатаётган ўйинини кейинчалик халқаро миқёсда кўрсатади. Шунинг учун бундай ўйинчилар ўйинни ўзгартиришади, ҳатто уларни қаердадир тўхтатишга ҳаракат қилганингизда ҳам, улар дриблинг орқали, индивидуал ҳаракатлар орқали сизнинг ҳимоянгизни бузишади, уни очишади. Шунинг учун қийин бўлди.

- Лекин йигитлар уддалашди, чунки бугун қаршимизда оддий жамоа эмас, балки медаллар учун курашишга яратилган "Пахтакор" эди, шунинг учун буни унутмайлик, бугун дуранг ўйнадик. Йигитлар яхши ўйин кўрсатишди. Качорига келсак, мен унинг қалбига кириб, уни тинчлантирмоқчи эдим, чунки у яхши бошлади, лекин қаердадир у узоқ вақт давомида гол ура олмаган ҳар қандай ҳужумчи гол ура олмаслигидан бироз хавотирда бўлади. Шунинг учун бугун унда бир метрдан қулай вазият бўлди. Агар у хотиржам бўлганида, у бу голни урган бўларди ва биз 2:0 ҳисобида олдинга чиқиб олган бўлардик. Ва менимча ҳозир шу ерда уч очко эгаси сифатида ўтирган бўлардик. Айнан ўша вазиятдан кейин гол ўтказиб юбордик. Бу футбол қонуни. Сизларга раҳмат!