Игорь Шквирин: "Қизилқум" ғалаба учун жон-жаҳди билан курашга киришганлиги якунда билиниб қолди"

Игорь Шквирин, "Олмалиқ" жамоаси бош мураббийи:
- Жамоамиз олдига чемпионатнинг кучли бешлигидан жой олиш вазифаси қўйилганди. Буни уддалаганимиздан сўнг, бугун йигитларимиз бироз хотиржамликка берилишди. Қолаверса, таркибда бир қатор ёшларга ишонч билдирганлигимиз ҳам бугунги мағлубиятимизга сабаб бўлди. "Қизилқум" ҳар қандай вазиятда бугун ғалаба учун жон-жаҳди билан курашга киришганлиги якунда билиниб қолди. Асосийси, стадионга йиғилган мухлислар шиддатли ва ҳужумкор ўйин шоҳиди бўлдилар. Одатда, бунақа учрашувларда хатонинг катта-кичиги бўлмайди. Ҳимояда йўл қўйилган хатолар учрашув натижасига салбий таъсир қилди.