Иброҳимҳалил Йўлдошев: "Хурсандчилик ўтиб кетди. Ҳозир финалга тайёргарлик кўряпмиз"

- Финал ҳақидаги фикрларингиз? Рақиб – Япония. Умуман, финалга тайёргарлик қандай кечмоқда?

- Ҳаммаси яхши. Тайёргарликни бошладик. Японияга ҳақида етарлича маълумот олдик. Бугунги назария дарсларида кўрдик, Япония кучли жамоа. Ўта тезкор, тактик томонлама ҳам кучли. Финалга шунга яраша тайёргарлик кўрамиз. Қийин ўйин бўлмайди деб ўйлайман. Ҳар бир ўйин биз учун муҳим. Мухлисларимизни ишончини қозониб, чемпион бўлишга ҳаракат қиламиз. 

- Ярим финалдаги тарихий натижадан кейинги эйфория ўтиб кетдими? Финалга эътиборни жамлаш қандай кечмоқда?

- Олимпиадага чиқишимиз катта бахт. Хурсандчилик бўлиши табиий. Ўша пайт биз ғалабани нишонладик. Ҳозир эса кейинги ўйинга тайёргарлик кўрмоқдамиз. Хурсандчилик ўтиб кетди.