Иброҳим Ибрагимов: "Сурхон"га қарши бошқача тактика ўтмас эди"

Surkhon Ruben Sanchez - 90'

Superliga. Round 16 18/08/2022, 19:00 2 : 1 Finished

Metallurg Jasur Xolturayev - 33', Bobur Farhodov - 68'

45'

90'

10'  Tokhirjon Shamsitdinov (Ibrokhim Ganikhonov)

46'  Жахонгир Ахмадов (Камрон Саидазимов)

50'  Javokhir Sokhibov

67'  Javokhir Sokhibov (Nuriddin Khasanov)

73'  Luis Miguel Quezada (Abdulaziz Yusupov)

73'  Ibrokhim Ganikhonov (Ulugbek Abdullaev)

90'  Ruben Sanchez

90'  Abdulaziz Yusupov

11'  Kerim Palich

33'  Jasur Xolturayev

33'  Bektemir Abdumannonov

59'  Jasur Xolturayev (Bobur Farhodov)

68'  Bobur Farhodov

68'  Shahzodbek Gofurbekov

71'  Bektemir Abdumannonov (Ixtiyor Toshpo’latov)

88'  Zabikhillo Urinbaev (Shahzod Nematjonov)

88'  Ibrohim Ibragimov (Mirkomil Abdurazzakov)

90'  Bobur Farhodov

Open in Match Center

- Уч очко қўлга киритилган ўйин борасидаги дастлабки фикрларингиз?

- Суперлигада ҳеч бир ўйин осон ўтаётгани йўқ. Очко кимга керак эмас? Албатта ҳаммага зарур. Шу боис жиддий кураш кетяпти. Таркибимизда йўқотишлар кўп эканлиги боис бошқача тактика танланди.

- Эътиборимни тортган жиҳати шу бўлдики, бунга қадар "Металлург" асосан ҳимоядан ўйин ташкил қилаётганди. Бироқ кеча "Сурхон"га қарши ҳужумкор тактикада ҳаракат қилди. Ғалаба учун таваккал қабул қилинган қарормиди?

- Юқорида ҳам айтдим. Бу ҳам ўзига яраша таваккал бўлди, деб ўйлайман. Навбатдаги учрашувларда ҳам чиройли футбол кўрсатишга ҳаракат қиламиз. 

- Статистикага кўра, "Сурхон" жуда яхши прессингни амалга оширади. "Металлург" рақиб босимидан қандай қилиб чиқиб кета олди?

- Тўғри айтдингиз. Мураббийимиз кўпроқ майда паслар билан ҳужумга ўтишимизни таъкидлади. Ўйинга ёндашувни ўзгартирдик. Биламиз, улар учинчи зонада прессингни бошлайди. Очко зарурлиги учун ҳужум кўп уюштирдик. Агарда икки жамоа узун узатмалар билан ҳаракат қилганда ҳеч нарса ўхшамасди. Бу ўз мевасини берди. "Насаф" билан ўйиндан кейин бир ҳафта ичида бошқача тактика устида ишлагандик. 

- U-23 Осиё кубогида жароҳат олиб сафдан чиқдингиз. Тикланиш қаерда ва қандай ўтди?

- Эрон билан ўйиндан олдинги машғулотларда жароҳат олдим. Тўрт кундан сўнг жарроҳлик столига ётишимга тўғри келди. Худога шукур ҳаммаси кўнгилдагидек бўлди. Аслида тикланишни Сербияда ўтказмоқчи эдим. Шу паллада Акмал Шораҳмедов катта ёрдамини берди. 

- Дарҳақиқат бугунги кунда кўплаб футболчиларнинг тикланишида ушбу мураббий катта ҳисса қўшмоқда, дея оламиз. Акмал Шораҳмедов бизнинг футболда кам бўлган мазкур йўналишда туб бурилиш ясайдими?

- Шундай. Санжар Қодирқуловга ҳам Акмал ака ёрдам берди. Ҳозирда Элёр Орифов билан шуғулланмоқдалар.  Ўзлари футболчилик фаолиятларидан бошлаб бу соҳани ўрганишга киришганлар. Менимча бундай мутахассис юртимизда жуда кам. Руҳий томондан ҳам мотивация бера олишларини айтишим мумкин. 

Абдулазиз Искандаров суҳбатлашди