Ҳасанов билан Қобилов бугун "Сўғдиёна" йиғинига қўшилади

Бош мураббий Даврон Файзиев йўқотишлар ўрнини муносиб номзодлар билан тўлдириш мақсадида кўз остига олиб қўйган ўйинчиларни ўз жамоасига таклиф этмоқда.

Хусусан бугун "Гулистон" етакчиси Раббим Ҳасанов ва биринчи лига иштирокичиси "Спартак"дан Суҳроб Қобилов жиззахликлар ихтиёрига етиб келиши айтилмоқда.

Ҳасанов (Фотода 7 рақам) ўтган йили "Гулистон"нинг ҳақиқий етакчиси бўла олганди. Табиийки бу футболчи "Сўғдиёна" таркибини кучайтириш аниқ.

Суҳроб Қобиловга эса Жиззах жамоаси бегона эмас. Сабаби футболчи илгари ҳам "Сўғдиёна" шарафини ҳимоя қилганди.

Бу футболчилардан ташқари яна бир нечтаси йиғинга келиб қўшилиши кутилмоқда.