Ҳамиджон Актамов: "Йил бошидан бери шу таркиб билан ўйнаганимизда камида кучли учликда бўлардик"
12 dec 2020 15:15
News

Ҳамиджон Актамов: "Йил бошидан бери шу таркиб билан ўйнаганимизда камида кучли учликда бўлардик"

"Пахтакор" ҳамда "Қизилқум" ўртасидаги Ўзбекистон Кубоги 1/4 финал учрашувидан (1:0) сўнг меҳмонлар устози Ҳамиджон Актамов иштирокида матбуот анжумани бўлиб ўтди.

Ҳамиджон Актамов: "Бугун қизиқарли ўйин гувоҳи бўлдик. Яна ҳакамлар ҳақида гапиришга мажбурман, улар рақибга ён босаверади. Танташев бир нечта вазиятда хато қилди ва баҳсга ҳалал берди. Экстра тайм бўлиши мумкин эди... Рақиб биргина хатоимиздан фойдаланиб қолди. Бугун яхши ўйнадик, мағлубиятга муносиб эмасдик".

- "Қизилқум" келаси мавсумда таркибни кучайтирадими ёки бор футболчилар билан давом этадими?

- Йил бошидан шу таркибда ўйнаганимизда камида кучли учликда бўлардик. Биз 10-турдан бошлаб таркибни янгиладик, афсуски формага кирганимизда мусобақалар якунланди. Келаси йил яхшироқ натижа қайд этишга ҳаракат қиламиз.

- "Қизилқум" биринчи бўлимда яхши ўйнади, аммо иккинчи таймда бундай бўлмади...

- Ҳакам айбдор. Рефери ҳар бир 50га 50 вазиятда ўйинни тўхтатяпти. Охиригача курашишга имкон бериш лозим. Тўғри, "Пахтакор" чемпиони, аммо бугунги баҳсда "Пахтакор"ни танимадим.