Ҳамиджон Актамов: "0:2 ҳисобида ютқазиб туриб ғалаба қозонишгани учун йигитларга раҳмат"

"Ўйин қийин кечишини билардик. "Машъал" бизга доим ноқулай рақиб бўлиб келган. 0:2 ҳисобида ютқазиб туриб ғалаба қозонишгани учун барча йигитларга раҳмат айтаман. Бугун тенг ўйин бўлди, шунчаки биз кўпроқ гол урдик. Алишер Юсуповнинг биринчи бўлимда алмаштирилишига сабаб унинг жароҳат олгани бўлди".

"Майдон сифати аълода даражада. Ҳеч қандай камчилик йўқ, фақат тушиб футбол ўйнаш керак холос. Машғулотларда пенальти тепиш бўйича шуғулланамиз. Штатли пенальтичиларимиз бор. Тўғри сафимизда 30 ёшдан ошган футболчилар кўп, аммо бу билан улар қариб қолди дея олмайман. Кучи етса 40 ёшгача ҳам ўйнаса бўлади. Жамоамизнинг ўртача ёши 28,5 ёшга тенг".

"Жамоа 11 март куни Қаршига етиб борамиз. Йигитларга бир кун дам берамиз ва Навоийда машғулотларни давом эттирамиз".

"Мақсадимиз 8-ўрин эмас, ундан ҳам юқорироқ ўринларни эгаллаш", - дейди Ҳамиджон Актамов. 

"Қизилқум" матбуот хизмати