Ҳаким Фузайлов – Тожикистон терма жамоаси бош мураббийи
29 apr 2016 12:24
News

Ҳаким Фузайлов – Тожикистон терма жамоаси бош мураббийи

Душанбенинг «Помир» клуби собиқ футболчиси, Тожикистон футбол Федерацияси техник департаменти раҳбари ўринбосари Ҳаким Фузайлов мамлакат терма жамоаси бош мураббийи этиб тайинланди.

51 ёшли мураббий олдига Тожикистон терма жамоасини 2019 йилда БААда бўлиб ўтадиган Осиё Кубогига олиб чиқиш вазифаси қўйилди.

Ҳаким Фузайловнинг миллий терма жамоадаги дебюти 2 июнь куни бўлиб ўтади. Шу куни терма жамоа Душанбеда Бангладеш билан ўйнайди. Жавоб учрашуви 7 июнда Дакка шаҳрида бўлиб ўтади. Ушбу жуфтлик ғолиби ОК-2019 саралаши гуруҳ босқичига йўлланма олади.

«Олдимизга қўйилган барча вазифаларни бажаришга уринамиз. Биринчи навбатда бу Осиё Кубоги-2019га чиқиш. Ишончим комилки терма жамоамиз буни уддалай олади», — дейди Фузайлов ТФФ расмий сайтига.

Ҳаким Фузайлов Ўзбекистоннинг «Бухоро», «Динамо», «Андижон» ва «Локомотив» каби клубларида мураббий бўлиб ишлаган.

Link :

Source : fft.tj

Receive latest football news directly on your phone. Subscribe for our Telegram channel!

Rating: +7