Гвардиола "Ман Сити"нинг Англия Кубоги ярим финалидаги мағлубиятига изоҳ берди

"Биз сўнгги 15 дақиқада яхши ўйнадик. "Челси"ни табриклаймиз. Бугун тенг ўйин бўлди. Бўш зоналардан фойдалана олмадик, хавфли вазиятлар яратмадик. "Челси"нинг голига яхши жавоб қайтардик, аммо 8 та ўйинчи билан ҳимояланадиган жамоа билан ўйинда ғалаба қозониш қийин. Умуман олганда, бизда рақибга қараганда кўпроқ имконият юзага келган эди", – дейди Гвардиола.

Шундай қилиб, "Манчестер Сити" бир мавсумда тўртта совринни қўлга кирита олмайди. "Шаҳарликлар" айни пайтда Англия чемпионатида етакчилик қилаётган бўлишса, Англия Лига Кубоги финалига чиқишган ва Чемпионлар Лигасининг ярим финалига қадар етиб келишган.