Годин 2015 йили "Манчестер Сити"га ўтиши мумкин бўлганини айтди

"Бу 2015 йилнинг ёзида бўлганди. "Манчестер Сити" шартномамда кўрсатилган товон пулини тўлашга тайёр эди. Музокаралар бўлди, "шаҳарликлар" мени таркибга қўшиб олиш учун астойдил ҳаракат қилди.

Ўша пайтларда Симеоне Японияда бўлиб турганди. Унга маълумотлар етказилди. Шундан кейин у маълум инсонлар гуруҳини ташкил қилди, унда Габи, Рауль Гарсия ва Тьяго каби футболчилар бор эди. Диего шундай деди: "Агарда Годин кетса, мен ҳам кетаман". Орадан бир неча кун ўтиб, клуб билан шартномамни узайтирдим. Бу эса коллективнинг кучи қандай эканлигини кўрсатиб беради", - деди Годин.