Футзал. Осиё чемпионатининг энг яхшилари аниқланди

Дастлаб одатга кўра финал учрашувида ишлаган ҳакамлар тақдирланди. Уларни эслатиб ўтамиз: Козаки Томохиро (Япония), Лиу Жианкиао (Хитой), Рей Ритага (Филиппин), Тронг Квок Дунг (Вьетнам).

Фейр-плей соврини Эрон терма жамоасига тақдим этилди. Уни жамоа сардори Муҳаммад Кешаварз қабул қилиб олди.

Таиландлик Супхавут Туеангкланг 14та гол билан Осиё чемпионати тўпурари бўлди.

Мусобақанинг энг яхши футболчиси соврини Эрон терма жамоаси аъзоси Асқар Ҳассанзодага топширилди.

Шундан сўнг, Таиланд терма жамоасига бронза, Ўзбекистонга кумуш ва Эронга олтин медаллар топширилди.