Latest news

02:00ЖЧ саралаши. Италия Исроил дарвозасига 5та гол урди, Швеция кутилмаганда мағлубиятга учради  0 00:42CAFA Nations Cup-2025. Энг яхшилар аниқланди ва ғолибга соврин топширилди  14 00:30Муҳаммадрасул Абдумажидов Бельгия клубига ўтмайди  2 00:14Славен Билич Ўзбекистон терма жамоаси бош мураббийига айланиши мумкин  27 00:05Тимур Кападзе: "Эрон терма жамоаси қачон рози бўлган ўзи?"  90 23:00Қозоғистон Президенти Тоқаев: "Футбол клубларини хусусийлаштириш бўйича ишларни тезлаштириш керак. Бусиз футбол ривожланмайди"  4 21:50"CAFA Nations Cup-2025". Ўзбекистон терма жамоаси 13 йилдан сўнг Эронни ютди ва турнир ғолибига айланди  1018 20:32Шавкат Мирзиёев Жанни Инфантинога “Дўстлик” орденини топширди  17 20:26Португалиялик мураббий Озарбайжон терма жамоаси бош мураббийлигидан кетди  11 19:52CAFA Nations Cup турнирида сенсация! Ҳиндистон пенальтилар сериясига кўра Ўмондан устун келиб, 3-ўринни қўлга киритди!  16 19:13Гвардиола Абдуқодир Хусанов учун янги режа ишлаб чиқди  11 18:32ЎФА раҳбарияти Ўзбекистон МТЖга таклиф этишни хоҳламаган мураббий "Байер"ни бошқаради  10 18:04Амирҳуссайн Ҳуссайнзода: "Ҳакамлар Ўзбекистон фойдасига қарор қабул қилмоқда"  20 17:42Ахбор Имомхўжаев хотира турнири-2025. Мусобақа, жамоалар, гуруҳлар ва яшил майдонга қайтаётган юлдузлар  5 17:30Омид Нурафкан: "Ўзбекистонни икки-уч гол фарқи билан мағлуб эта оламиз"  10

Фарҳод Абдуллаев: "Эрматов ва Коваленкога Осиё Кубогида омад тилайман" News

Фарҳод Абдуллаев: "Эрматов ва Коваленкога Осиё Кубогида омад тилайман"

Ҳамюртимиз ФИФА инструктори Фарҳод Абдуллаев Австралиянинг Канберра шаҳрида маҳаллий инструктор ва назоратчилар учун ташкил этилган семинарда ўз ҳамкасбларига сабоқ берди.
ФИФА ва ОФК томонидан ташкил этиб келинаётган бу каби туркум семинарларда Фарҳод Абдуллаев мунтазам иштирок этади. Бундан аввал ҳам ҳамюртимиз Осиёнинг бир нечта давлатларда ташкил этилган семинарларда қатнашганди. Январь ойида Австралияда Осиё Кубоги-2015 ўтказилишини инобатга олсак, Канберрадаги семинар нима мақсадда ташкил этилганини англаб олиш мушкул эмас. Биз Австралиядаги ушбу семинар ҳақида тўлиқроқ маълумотга эга бўлиш мақсадида Фарҳод Абдуллаевдан интервью олдик.

- Фарҳод ака, Австралияда ўтказилган семинар ҳақида маълумот берсангиз.
- Австралиянинг Канберра шаҳрида маҳаллий инструктор ва назоратчилар учун Футуро III номли семинар бўлиб ўтди. Мазкур семинар ФИФА тавсияси билан ташкил этилди. Семинарда 22 нафар маҳаллий инструктор ва назоратчилар қатнашишди.

- Ушбу семинардан кўзланган асосий мақсад нима?
- Мақсадимиз австралиялик инструктор ва назоратчиларга ФИФА ва ОФКнинг талаблари бўйича янги маълумотларни етказиш ҳамда уларнинг бугунги билим ва салоҳиятига холис баҳо беришдан иборат. Инструктор  бу ҳакамни ўргатадиган мутахассис. Табиийки, унинг билими ҳакамдан юқори бўлиши шарт. Афсуски, ҳозир фаолият юритаётган кўп инструкторлар ҳақида бундай фикр билдира олмайман. Уларнинг аксарияти анчадан бири ўз малакасини ошириш устида ишламай қўйишган. Ўқитувчини ҳам ўргатиб туриш керак (кулади). Пичоқ ҳам ишлатилмай тураверса, занглаб кетади. Билимим етарли, деб ҳеч қачон гапириш, бу ҳақида ўйлаш ҳам керак эмас. Аввал олинган билим билан ҳозир ишлаш мушкул. ФИФА ва ОФК томонидан инструктор, назоратчи, комиссар, ҳакамларга қўйилаётган талаблар ўзгариб боряпти. Шундай экан, мен тилга олган ҳамкасбларимиз ўз устиларида ишлашда давом этишлари керак.

- Австралиялик инструкторларнинг бугунги савияси ҳақида қандай фикрдасиз?
- Яхши, лекин кўп нарсани ўзгартириш керак. Албатта, бу борада ФИФАдан кўпроқ мутахассислар келиб янгиликларни ўргатмаса, австралиялик инструктор ва назоратчилар учун қийин бўлади. Ҳозир ўтказилаётган семинар ҳам шу мақсадда ташкил этилган. Австралия футбол федерацияси ФИФАга мурожаат қилиб, ўз назоратчилари учун семинар ўтказиб беришни сўраган. Яна бир маълумот, яқинда айнан Канберра шаҳрида ҳакамлар учун ҳам семинар бўлиб ўтди. Ушбу семинарни малайзиялик Субҳиддин Моҳд Солиҳ олиб борди. Ҳакамлар савиясини ошириш мақсадида ўтказилаётган семинарларга тайинланаётган инструктор икки баравар кўпрок билимга эга бўлиши лозим. Акс ҳолда ўтказилаётган семинарлардан фойда бўлмайди.

- Сиздан ташқари дарсларни яна кимлар ўтишди?
- Малайзиялик Родзали Ёкуб билан бирга семинар ўтказдик. У тажрибали, кўп йиллардан бери шу йўналишда ишлаб келаётган ҳамкасбим ҳисобланади.   
- Австралия футбол федерацияси қандай шароитлар яратган?
- Барча шароитлар жуда юқори савияда яратилди. Семинар Канберра шаҳридаги Австралия спорт институтида бўлиб ўтди. Иштирокчилар ҳам дарсларни қунт билан тинглаб, амалий машғулотларда фаол қатнашишди.

- Фарҳод ака, австралиялик ҳакамлар ҳақида фикрингиз қандай? Бенжамин Уильямсдан кейин ёш ҳакамлар етишиб чиқяптими?
- Шуниси аниқки, улар бизнинг ҳакамларимиздан кучли эмас. Факат уларга яратилган шароитлар бошқача. Бу билан улар фахрлансалар арзийди. Ўқув марказлари, стадионлар ва онлайн ўқитиш тизими. Бу борада австралияликлар мақтана олишади. Бенжаминдан кейин 3-4 нафар ёш, истеъдодли ҳакамлар етишиб келяпти. Яқин йилларда уларни халқаро ўйинларда кўрамиз. 

- Январь ойида Австралияда Осиё Кубоги-2015 финал босқичи ўтказилади. Осиё Кубогига тайёргарлик қандай кетаётган экан? Мусобақа руҳияти сезиляптими?
- Австралияда футбол биринчи рақамли спорт тури эмас. Ҳамма крикет ва регби тўғрисида гаплашяпти. Бошқа шаҳарларни билмадиму, ҳозир Канберрада бўлиб турганим учун, айнан мен турган шаҳарда Осиё Кубогининг ўтказилиши деярли сезилмаяпти. Балки, бу саволга декабрь ойининг сўнгги кунлари жавоб берилса, тўғрироқ бўлар. Лекин Австралияда футбол инфратузилмаси ёмон эмас. Стадионлари талаб даражасида. Фақат гуруҳ ўйинларининг турли шаҳарларда ўтказилиши муаммоларни юзага келтириши мумкин. Биринчи галда иштирокчи терма жамоаларга. Кейин январь ойида Австралияда ёз бўлади. Ҳозир ҳам кун иссиқ, намгарчилик юқори. Ўзбекистон терма жамоаси ҳам Австралиядаги иқлим шароитини инобатга олган ҳолда декабрь ойида БААда иккита хориж йиғинини ташкил этишни режалаштирган.

- Осиё Кубоги-2015 ўйинларини бошқариб борадиган ҳакамлар қачон Австралияга етиб боришади? Бу ҳақида маълумотлар борми?
- Осиё чемпионати баҳсларини бошқариб борадиган ҳакамлар маълум бўлган. Биздан Равшан Эрматов ва Валентин Коваленко Австралияга бориши аниқ. Фурсатдан фойдаланиб, бу икки ФИФА ҳакамимиз ва уланинг бригадасига бўлажак Осиё Кубогида муваффақиятли ва бехато бошқарувни тилайман. Барча ҳакамлар 3 январь кунигача Австралияга етиб келишлари шарт.

Камолиддин АЛИМОВ суҳбатлашди
Rating:    

Comments

championat.asia
< show latest news
Яндекс.Метрика