Фабрегас: “Кечагина футбол ўйнашни бошлагандекман, аммо 15 йил ортда қолди”
06 jan 2019 09:53
News

Фабрегас: “Кечагина футбол ўйнашни бошлагандекман, аммо 15 йил ортда қолди”

“Челси” ярим ҳимоячиси Сеск Фабрегас Англия Кубоги 1/32 финалида “Ноттингем Форест”га (2:0) қарши беллашувдан кейин, бу унинг унинг Лондон клубидаги сўнгги ўйини эканлиги ҳақидаги хабарларга изоҳ берди.

“Майдонни тарк этиш чоғидаги кўз ёшлар? Ҳа, ҳаммаси ушбу ўйинда рўй беради, деб ўйламагандим. “Челси”га ҳурматим баланд, аммо жамоадаги ҳозирги ҳолат барчага маълум. Вақт ўтиб бормоқда. Худдики кеча профессионал тарзда футбол ўйнашни бошлагандекман. Аммо ортга назар солсак 15 йил ўтиб кетди.

Ёш футболчиларга кичик маслаҳатим бор: майдондаги ҳар бир лаҳзангиздан лаззат олинг. Футболчи ҳар уч кунда янги чақирувга, баҳсга тайёр бўлиши лозим. Биз олқиш ва таниқидларни эшитамиз, муваффақият ва қулаш даври бўлади, аммо вақт ўтиб кетганини сезмай қоламиз”, дея Фабрегаснинг сўзларидан иқтибос келтирмоқда Goal нашри.

Link :

Source : Goal.com

Receive latest football news directly on your phone. Subscribe for our Telegram channel!

Rating: +14