Европа чемпионатлари тарихи: Евро-2000

2000 йили бўлиб ўтган Европа чемпионати турнир тарихидаги ўн биринчиси бўлди. Мусобақа илк маротаба икки мамлакатда бўлиб ўтди. Бу 16 та терма жамоа иштирок этган иккинчи турнир эди.

Чемпионат олдидан УЕФА қоидаларга бироз ўзгартириш киритади: гуруҳ босқичидан сўнг сариқ ва қизил карточкалар бекор қилинган.

Турнирда финалда Италияни 2:1 ҳисобида мағлуб этган Франция терма жамоаси ғолибликни қўлга киритган. Шуни таъкидлаб ўтиш лозимки, финалда Давид Трезеге томонидан киритилган "олтин гол" Европа чемпионатлари тарихидаги энг сўнггиси бўлиб қолган.


Гуруҳлардаги ўйинлар:

А гуруҳида турнирнинг амалдаги чемпиони - Германия терма жамоаси фақатгина бир очко ишлай олган ва гуруҳда қолиб кетган. Англия терма жамоаси вакиллари эса ҳал қилувчи ўйинда руминияликлардан кераксиз голни ўтказиб юборадилар ва гуруҳда қолиб кетадилар. 3 тур якунларига кўра Португалия ва Руминия кейинги босқичга йўл олади.

Б гуруҳида ўйинларни ишончли ўтказга Италия терма жамоаси ғолибликни қўлга киритган. Иккинчи ўрин эса туркияликларга насиб қилган. Мезбон Бельгия ва гуруҳ фаворитларидан бири ҳисобланган Швеция гуруҳда қолиб кетган.

С гуруҳи эса энг чигал вазият юзага келган гуруҳ бўлган. Барча жамоа камида бир маротаба мағлуб бўлган. Якунда эса Испания ва Югославия терма жамоалари плей-офф масаласини ижобий ҳал қила олганлар. Норвегия ва Словения терма жамоалари учинчи ва тўртинчи ўринларни қўлга киритганлар.

Д гуруҳида Голландия ва Франция терма жамоалари чорак финалга чиқишган. Чехия ва данияликлар иккинчи турданоқ курашни тўхтатишганди.

Қолган натижалар:

Чорак финаллар:

Португалия - Туркия 2:0

Испания - Франция 1:2

Голландия - Югославия 6:1

Италия - Руминия 2:0


Ярим финаллар:

Португалия - Франция 1:2

Голландия - Италия 0:0 (пен. 1:3)


Финал:

Франция - Италия 1:1 (қўшимча таймда 1:0)

Чемпион: Франция

Иккинчи ўрин: Италия

Учинчи ўринлар: Голландия, Португалия.

Тўпурарлар:

Патрик Клйюверт ва Саво Милошевич (5 тадан гол)